અમદાવાદ :હવામાન વિભાગ દ્વારા આજે સવારે 10.20 વાગ્યે જારી કરવામાં આવેલા વેધર નોટિફિકેશન અનુસાર આગામી ત્રણ કલાક દરમિયાન જામનગર, દેવભૂમિ દ્વારકા સહિતના જિલ્લાઓમાં ગાજવીજ અને પવન સાથે હળવોથી મધ્યમ વરસાદ થઈ શકે છે.

હવામાન વિભાગ દ્વારા આજે સવારે 10.20 વાગ્યે જાહેર કરવામાં આવેલા લેટેસ્ટ વેધર નોટિફિકેશન અનુસાર, આગામી ત્રણ કલાક દરમિયાન દેવભૂમિ દ્વારકા, જામનગર, પોરબંદર, કચ્છ અને પાટણ જિલ્લાના છૂટાછવાયા સ્થળોએ ગાજવીજ અને પવન સાથે હળવો વરસાદ પડવાની શક્યતા છે.

હવામાન વિભાગ મુજબ, ઉત્તર ઈરાન અને તેની આસપાસના કેસ્પિયન સમુદ્ર પર સક્રિય વેસ્ટર્ન ડિસ્ટર્બન્સ અને વાયવ્ય રાજસ્થાન પર રહેલું અપર એર સાયક્લોનિક સર્ક્યુલેશન ગુજરાતના વાતાવરણને પ્રભાવિત કરી રહ્યું છે. વધુમાં, 02 એપ્રિલ, 2026થી વધુ એક તાજું વેસ્ટર્ન ડિસ્ટર્બન્સ વાયવ્ય ભારતને અસર કરે તેવી શક્યતા છે, જેના પરિણામે રાજ્યમાં કમોસમી વરસાદી માહોલ સર્જાશે. મહત્તમ તાપમાન આગામી ચાર દિવસ સુધીમાં 2-3 ડિગ્રી સેલ્સિયસ ઘટશે, અને ત્યારબાદ તેમાં કોઈ મોટો ફેરફાર થવાની સંભાવના નથી. જોકે, લઘુત્તમ તાપમાનમાં આગામી સાત દિવસ દરમિયાન કોઈ નોંધપાત્ર ફેરફાર થવાની શક્યતા નથી