ગાંધીનગર:ગુજરાત સરકારના મહેસૂલ વિભાગ દ્વારા એક મહત્વની અધિસૂચના બહાર પાડીને ગુજરાત વહીવટી સેવા (જુનિયર સ્કેલ) વર્ગ-૧ ના ૩૪ જેટલા અધિકારીઓની જાહેર હિતમાં બદલી કરવામાં આવી છે. આગામી સમયમાં યોજાનારી ૩૪ જિલ્લા પંચાયતો અને ૨૬૦ તાલુકા પંચાયતોની સામાન્ય ચૂંટણીઓના સુચારુ સંચાલન માટે આ અધિકારીઓને જે-તે જિલ્લાની કલેક્ટર કચેરી ખાતે મંજૂર કરવામાં આવેલ હંગામી મહેકમની જગ્યાઓ પર નિમણૂક આપવામાં આવી છે. આ આદેશ મુજબ, સંબંધિત અધિકારીઓએ ચૂંટણી પ્રક્રિયા દરમિયાન પોતાની હાલની ફરજોની સાથે નવી નિમણૂકનો વધારાનો હવાલો પણ સંભાળવાનો રહેશે. ચૂંટણી પ્રક્રિયા પૂર્ણ થયા બાદ આ તમામ અધિકારીઓએ ફરજિયાતપણે પોતાની મૂળ જગ્યાએ પરત ફરવાનું રહેશે તેવું સરકારના સંયુક્ત સચિવ સચિન પટવર્ધન દ્વારા જણાવવામાં આવ્યું છે.

બદલી અને નિમણૂક પામેલા અધિકારીઓની વિગતવાર યાદી નીચે મુજબ છે:
૧. અમરેલીના નાયબ જિલ્લા ચૂંટણી અધિકારી મહેન્દ્ર એમ. દેસાઈને તે જ જિલ્લામાં કલેક્ટર કચેરીના હંગામી મહેકમ પર મૂકવામાં આવ્યા છે.
૨. આણંદના કલેક્ટર કચેરીના નાયબ કલેક્ટર-૧ વી.એ. પાંચાલની નિમણૂક આણંદ જિલ્લામાં કરવામાં આવી છે.
૩. અરવલ્લીના નાયબ જિલ્લા ચૂંટણી અધિકારી વિકાસ રામબચન કુમારને અરવલ્લી જિલ્લામાં નિમણૂક અપાઈ છે.
૪. બનાસકાંઠાના નાયબ જિલ્લા ચૂંટણી અધિકારી મૌલિક જયેન્દ્રભાઈ દેસાઈને બનાસકાંઠામાં મૂકાયા છે.
૫. વાવ-થરાદના નાયબ જિલ્લા ચૂંટણી અધિકારી રાજેન્દ્રસિંહ વેલસિંહ ઠાકોરની નિમણૂક કરવામાં આવી છે.
૬. ભરૂચના નાયબ જિલ્લા ચૂંટણી અધિકારી પ્રતિક કે. જખેરને ભરૂચ જિલ્લામાં જવાબદારી સોંપાઈ છે.
૭. ભાવનગરના નાયબ જિલ્લા ચૂંટણી અધિકારી કુમારી આર.જી. ઝાલાની નિમણૂક ભાવનગર જિલ્લામાં થઈ છે.
૮. બોટાદના નાયબ જિલ્લા ચૂંટણી અધિકારી કે.જે. વાઘેલાને બોટાદ જિલ્લામાં મૂકવામાં આવ્યા છે.
૯. છોટાઉદેપુરના નાયબ જિલ્લા ચૂંટણી અધિકારી શુક્લા યુ.એસ.ની નિમણૂક કરવામાં આવી છે.
૧૦. દાહોદના નાયબ જિલ્લા ચૂંટણી અધિકારી કુમારી હેતલ વસૈયાને દાહોદ જિલ્લામાં નિમણૂક અપાઈ છે.
૧૧. ડાંગના નાયબ જિલ્લા ચૂંટણી અધિકારી મેહુલ કે. ખાંટને ડાંગમાં મૂકવામાં આવ્યા છે.
૧૨. દેવભૂમિ દ્વારકાના નાયબ જિલ્લા ચૂંટણી અધિકારી એ.જે. રાજપૂતની નિમણૂક દ્વારકામાં કરવામાં આવી છે.
૧૩. ગાંધીનગરના નાયબ જિલ્લા ચૂંટણી અધિકારી જે.એન. પટેલની નિમણૂક ગાંધીનગર ખાતે થઈ છે.
૧૪. ગીર સોમનાથના નાયબ જિલ્લા ચૂંટણી અધિકારી કુમારી જેમિની એમ. ગઢિયાને ગીર સોમનાથમાં મૂકાયા છે.
૧૫. જામનગરના નાયબ જિલ્લા ચૂંટણી અધિકારી કુમારી ડી.એચ. કોટકને જામનગર જિલ્લામાં જવાબદારી અપાઈ છે.
૧૬. જૂનાગઢના નાયબ જિલ્લા ચૂંટણી અધિકારી નિકુંજ ડી. ધુલાની નિમણૂક જૂનાગઢમાં થઈ છે.
૧૭. ખેડાના નાયબ જિલ્લા ચૂંટણી અધિકારી શ્રીમતી કુસુમ પ્રજાપતિને ખેડા જિલ્લામાં મૂકવામાં આવ્યા છે.
૧૮. કચ્છના નાયબ જિલ્લા ચૂંટણી અધિકારી વી.એચ. બરહટની નિમણૂક કચ્છ ખાતે કરવામાં આવી છે.
૧૯. મહીસાગરના નાયબ જિલ્લા ચૂંટણી અધિકારી કુમારી એમ.એસ. માનતને મહીસાગરમાં મૂકાયા છે.
૨૦. મહેસાણાના નાયબ જિલ્લા ચૂંટણી અધિકારી અભિષેક પરમારને મહેસાણા જિલ્લાની જવાબદારી સોંપાઈ છે.
૨૧. મોરબીના નાયબ જિલ્લા ચૂંટણી અધિકારી શ્રીમતી રશ્મિ જે. રાજવધાને મોરબી જિલ્લામાં નિમણૂક અપાઈ છે.
૨૨. નર્મદાના નાયબ જિલ્લા ચૂંટણી અધિકારી સી.આર. સુથારની નિમણૂક નર્મદા જિલ્લામાં કરવામાં આવી છે.
૨૩. નવસારીના નાયબ જિલ્લા ચૂંટણી અધિકારી કુમારી પી.એચ. પટેલને નવસારીમાં મૂકવામાં આવ્યા છે.
૨૪. પંચમહાલના નાયબ જિલ્લા ચૂંટણી અધિકારી પી.કે. ડામોરની નિમણૂક પંચમહાલ ખાતે થઈ છે.
૨૫. પાટણના નાયબ જિલ્લા ચૂંટણી અધિકારી પી.વાય. ગોસ્વામીને પાટણ જિલ્લામાં મૂકાયા છે.
૨૬. પોરબંદરના નાયબ જિલ્લા ચૂંટણી અધિકારી મનહરભાઈ ડાહ્યાભાઈ દેસાઈને પોરબંદરમાં નિમણૂક અપાઈ છે.
૨૭. સાબરકાંઠાના નાયબ જિલ્લા ચૂંટણી અધિકારી રાજેશકુમાર ચૌહાણની નિમણૂક સાબરકાંઠામાં કરવામાં આવી છે.
૨૮. સુરેન્દ્રનગરના નાયબ જિલ્લા ચૂંટણી અધિકારી એસ.ડી. શાહને સુરેન્દ્રનગર જિલ્લામાં મૂકવામાં આવ્યા છે.
૨૯. તાપીના નાયબ જિલ્લા ચૂંટણી અધિકારી ધવલ વી. માદતની નિમણૂક તાપી જિલ્લામાં થઈ છે.
૩૦. વડોદરાના નાયબ જિલ્લા ચૂંટણી અધિકારી કુમારી સુહાની આર. કેલૈયાને વડોદરા ખાતે મૂકાયા છે.
૩૧. વલસાડના નાયબ જિલ્લા ચૂંટણી અધિકારી એચ.જે. સોલંકીને વલસાડમાં જવાબદારી સોંપાઈ છે.
૩૨. અમદાવાદ સ્થિત SPIPA ના નાયબ નિયામક (કમ્પ્યુટર) દિગ્વિજય જોગિયાને અમદાવાદ જિલ્લામાં ચૂંટણી કામગીરી માટે મૂકવામાં આવ્યા છે.
૩૩. રાજકોટના જિલ્લા પુરવઠા અધિકારી (શહેર) સુશીલ પરમારની નિમણૂક રાજકોટ જિલ્લામાં કરવામાં આવી છે.
૩૪. સુરત સ્થિત SPIPA પ્રાદેશિક તાલીમ કેન્દ્રના નાયબ નિયામક કુમારી કે.એ. વસાવાને સુરત જિલ્લામાં ચૂંટણી કામગીરી અર્થે નિમણૂક આપવામાં આવી છે.