ગાંધીનગરના દહેગામ-નરોડા રોડ પર આવેલા ગલુદણ પાસે એક ભયાનક અકસ્માત સર્જાયો છે. પૂરપાટ ઝડપે આવી રહેલા ડમ્પરે બાઈકને જોરદાર ટક્કર મારતા બાઈક ચાલકનું ઘટનાસ્થળે જ કરૂણ મોત નિપજ્યું હતું. અકસ્માતની જાણ થતા જ 108ની ટીમ તાત્કાલિક સ્થળ પર દોડી આવી હતી, પરંતુ ગંભીર ઈજાઓના કારણે બાઈક સવારનો જીવ બચાવી શકાયો ન હતો. આ ઘટનાને પગલે ડભોડા પોલીસે સ્થળ પર પહોંચી મૃતદેહને પોસ્ટમોર્ટમ માટે ખસેડી ડમ્પર ચાલક વિરુદ્ધ ગુનો નોંધી વધુ તપાસ હાથ ધરી છે.