વેડ રોડ ગુરૂકુલમાં સૌરભ મહેકીઃ ભગવાન માટે રંગબેરંગી ફૂલોના વાઘા
સુરતઃ તા.૧૩,‘ જેવી દેહે તથા દેહે ‘ આ વૈષ્ણવ પરંપરાની સેવારિતી અનુસાર ભગવાનના ભક્તો ભગવાનને સિઝન પ્રમાણે સેવા કરી રાજી કરતા હોય છે.
જેવી આપણા શરીરને સીઝન સીઝન પ્રમાણેની જરૂરીયાતો હોય છે અને તે જરૂરિયાતોને સહુ લોકો પોતાની શક્તિ પ્રમાણે પૂરી પાડતા હોય છે.
અત્યારે ઉનાળાનો સમય ચાલી રહ્યો છે ત્યારે વૈષ્ણવ પરંપરાની સેવારીતિ અનુસારે ભગવાનને ફૂલોના શણગાર તેમજ ચંદન આદિથી ટાઢક આપવાની ભક્તો ભાવના કરતા હોય છે. સુરતના વેડ રોડ શ્રી સ્વામિનારાયણ ગુરુકુલમાં બિરાજતા ભગવાન શ્રી સ્વામિનારાયણને સંતોએ ફૂલોના શણગાર કર્યા હતા. પુજારી સ્વામી શ્રી વિવેકસ્વરૂપદાસજી સ્વામીના માર્ગદર્શન અનુસાર સંતોએ ડોલર , મોગરો , ચમેલી , ગુલાબ , ઓર્ચીડ, ઝરબેરા વગેરેના ફૂલોથી ઠાકોરજીના વાઘા - વષાો તૈયાર કરેલા હતા.
શ્રી પ્રભુ સ્વામીના જણાવ્યા અનુસાર વિવેકસ્વરૂપ સ્વામી, વિશ્વસ્વરૂપ સ્વામી નિર્મળ સ્વામી,સરજુ સ્વામી, આત્મીયસ્વામી, પ્રેમસ્વરૂપ સ્વામી, શ્રેયસ્વરૂપ સ્વામી, રાધારમણ સ્વામી, હરિકીર્તન સ્વામી, પાર્ષદ નિલેશ ભગત, યુગ મોણપરા, મહેશભાઈ સોલંકી, ચિરાગભાઈ રામાણી,રોહિતભાઈ નાકરાણી, યતીનભાઈ સોનાણી, ચિરાગ વઘાસીયા, વિજય ગજેરા,નવશીલ ગોધાણી, જીગ્નેશ ગોધાણી, પ્રદીપ માલવિયા વગેરે સંતો તથા યુવાનો તેમજ મહિલા ભક્તોએ સવારના આઠથી બપોરના ત્રણ વાગ્યા સુધી ડોલર, મોગરા, જરબેરા, આર્ચિડ, વગેરેની જીણી કળીઓ તથા પાંદડીઓને રંગબેરંગી ડિઝાઇનોના આકાર આપી વાઘા તૈયાર કરેલ.
ઉનાળાના ચાર મહિના સુધી ભગવાનને સુગંધી પુષ્પોના હાર,બાજુબંધ , કંકણ, ટોપી એ આદિક આભૂષણ ધરાવવા. એ અનુસાર સ્વામિનારાયણ સંપ્રદાયમાં ઉનાળાના સમયે ભગવાનને ફૂલ તથા ચંદનના વષાો ધરાવાતા હોય છે.
ભગવાનની સન્મુખ નંદ સંતોએ ૨૦૦ વર્ષ પહેલા બનાવેલા ને ભગવાન શ્રી સ્વામિનારાયણ સન્મુખ ગાયેલા ફૂલોના શણગારના કીર્તનો તેમજ વંદુના પદોનું મહંત સ્વામી શ્રી ધર્મ વલ્લભદાસજી સ્વામી,અક્ષર પ્રિય સ્વામી વગેરે સંતોએ ગાન કરી ભગવાનને રાજી કરેલ.
(2:36 PM IST)
છેલ્લા 8 દિવસમાં સૌથી લોકપ્રિય 
