ડીસામાં એશિયાના પ્રથમ ‘ડ્રાઇવ-થ્રુ નાઇટ સફારી' ઝૂઓલોજીકલ પાર્કને કેન્દ્રની મંજુરી
નરેન્દ્રભાઈ મોદીનાં નેતૃત્વમા ભારતે જંગલો-વન્યજીવોના સંરક્ષણ માટે અસંખ્ય પહેલ કરીઃ પ્રકળતિ અને વન્યજીવોનું રક્ષણએ ભારતની સંસ્કળતિ અને પરંપરાનો એક મહત્વપૂર્ણ ભાગઃ નરેન્દ્રભાઈ મોદીઃ મુખ્યમંત્રી ભૂપેન્દ્રભાઈ પટેલનાં નેતૃત્વમાં ગુજરાત સરકાર દ્વારા રાજ્યભરમાં વન્યજીવ સંરક્ષણના અનેક પ્રોજેક્ટોનો અમલમા બનાસકાંઠા જિલ્લાનાં જૂના ડીસા ખાતે ૧૦૩ હેક્ટર વિસ્તારમાં રૂા. ૫૪૨.૧૪ કરોડના અંદાજિત ખર્ચે ‘ડેઝર્ટ ઝૂઓલોજિકલ પાર્ક અને નાઇટ સફારી' વિકસાવવામાં આવશેઃ ગુજરાત રાજયના વન અને પર્યાવરણ મંત્રીઃ અર્જુનભાઈ મોઢવાડિયા આ પ્રાણીસંગ્રહાલય વન્યજીવ સંરક્ષણ, રેસ્કયુ, પુનર્વસન અને પર્યાવરણીય શિક્ષણને પ્રોત્સાહન આપવાની સાથે લગભગ ૮૩ પ્રજાતિઓના ૨૭૦૦ જેટલા દેશી અને વિદેશી પશુ-પક્ષીઓનું ઘર બનશેઃ ગુજરાત રાજયના વન અને પર્યાવરણ રાજ્ય મંત્રી પ્રવીણ માળી
અમદાવાદ, તા.૧૨: બનાસકાંઠા જિલ્લાનાં ડીસા ખાતે બની રહેલા એશિયાનાં પ્રથમ ‘ડેઝર્ટ થીમ' ઝૂઓલોજિકલ પાર્ક' આધારિત ડિઝાઇન કરેલા ‘ડ્રાઇવ થ્રુ નાઇટ સફારી'ને સેન્ટ્રલ ઝૂ ઓથોરિટી (CZA) તરફથી મંજૂરી મળી ગઈ છે.
ગુજરાત વન વિભાગ દ્વારા વિકસાવવામાં આવી રહેલા આ પ્રોજેક્ટનો હેતુ વન્યજીવ સંરક્ષણ અને ઇકો-ટૂરિઝમને પ્રોત્સાહન આપવાનો છે.
પ્રધાનમંત્રી નરેન્દ્રભાઈ મોદીનાં નેતળત્વ હેઠળ, ભારતે જંગલો અને વન્યજીવોના સંરક્ષણ માટે અસંખ્ય પહેલો કરી છે. પ્રધાનમંત્રીએ અવારનવાર કહ્યું છે કે, પ્રકળતિ અને વન્યજીવોનું રક્ષણ એ ભારતની સંસ્કળતિ અને પરંપરાનો એક મહત્વપૂર્ણ ભાગ છે.
મુખ્યમંત્રી ભૂપેન્દ્રભાઈ પટેલનાં નેતળત્વમાં ગુજરાત સરકાર રાજ્યભરમાં વન્યજીવ સંરક્ષણના અનેક પ્રોજેક્ટોનો અમલ કરી રહી છે, જેમાં ડીસા ખાતે પ્રસ્તાવિત ડેઝર્ટ-થીમ આધારિત ઝૂઓલોજિકલ પાર્કનો પણ સમાવેશ થાય છે.
‘પ્રસ્તાવિત ડીસા ‘ડેઝર્ટ ઝૂઓલોજિકલ પાર્ક અને નાઇટ સફારી' જૂના ડીસા ખાતે આશરે ૧૦૩ હેક્ટર વિસ્તારમાં બનશે. આ પ્રોજેક્ટ સેન્ટ્રલ ઝૂ ઓથોરિટીની માર્ગદર્શિકા મુજબ તૈયાર થાય છે. આ પ્રોજેક્ટનો અંદાજિત ખર્ચ રૂા. ૫૪૨.૧૪ કરોડ છે. આ મહાત્વાકાંક્ષી પ્રોજેક્ટને હવે સેન્ટ્રલ ઝૂ ઓથોરિટી તરફથી મંજૂરી મળી ગઈ છે,' વન અને પર્યાવરણ મંત્રી અર્જુનભાઈ મોઢવાડિયાએ જણાવ્યું હતું.
અત્રે ઉલ્લેખનીય છે કે, વન અને પર્યાવરણ વિભાગનાં રાજયમંત્રી પ્રવિણ માળીનાં મતવિસ્તારમાં આ પ્રોજેક્ટ આકાર લઇ રહ્યો છે અને આ ઝુઓલોજિકલ પાર્ક તેમનો ડ્રીમ પ્રોજેક્ટ છે.
‘આ પ્રાણીસંગ્રહાલયને એક આધુનિક સંરક્ષણ સુવિધા તરીકે ડિઝાઇન કરવામાં આવ્યું છે, જેમાં લગભગ ૮૩ પ્રજાતિઓના આશરે ૨૭૦૦ દેશી અને વિદેશી પ્રાણી-પક્ષીઓને રાખવામાં આવશે. આ પ્રોજેક્ટ મુલાકાતીઓને વન્યજીવોના અનોખા અનુભવોની સાથે સાથે સંરક્ષણ, પ્રજનન, વન્યજીવ રેસ્કયૂ, પુનર્વસન, પર્યાવરણીય શિક્ષણ અને કુદરતના વૈજ્ઞાનિક અર્થઘટન માટેના કેન્દ્ર તરીકે પણ કામ કરશે. ડીસા ખાતે બની રહેલુ આ ઝૂ એશિયાનું પ્રથમ ડેઝર્ટ થીમ આધારિત ઝૂ હશે. વિશ્વનું આ પ્રકારનું ત્રીજુ ડેઝર્ટ-થીમ ઝૂ હશે અને વિશ્વનું ચોથુ નાઇટ સફારી ઝૂ બનશે,'' વન અને પર્યાવરણ રાજ્ય મંત્રી પ્રવીણ માળીએ જણાવ્યું હતું.
‘આ પ્રોજેક્ટનું મુખ્ય આકર્ષણ તેની વિશ્વકક્ષાની નાઇટ સફારી હશે, જ્યાં મુલાકાતીઓ સૂર્યાસ્ત પછી ખાસ ડિઝાઇન કરાયેલા એન્ક્લોઝરમાં નિશાચર પ્રાણીઓને જોઈ શકશે. આ પ્રોજેક્ટમાં એક અલગ ‘ડે ઝૂ' (દિવસનું પ્રાણીસંગ્રહાલય) અને નાઇટ સફારી માટેના પાંચ સમર્પિત એન્ક્લોઝર હશે. આ પ્રોજેક્ટ ઉત્તર ગુજરાતની ટુરિઝમ સર્કિટ માટે મહત્વું સ્થાન બની રહેશે,'' પ્રવિણ માળીએ વધુમાં ઉમેર્યુ હતુ.
‘આ પ્રાણીસંગ્રહાલયમાં ચિંકારા, કાળિયાર, ભારતીય ઘૂડખર, એશિયાટીક સિંહ અને દીપડા જેવા પ્રાણીઓને રાખવામાં આવશે,' અગ્ર મુખ્ય વન સંરક્ષક (વન્યજીવ) અને ચીફ વાઇલ્ડલાઇફ વોર્ડન ડો. જયપાલ સિંઘે જણાવ્યું હતું.
આ પ્રાણીસંગ્રહાલયમાં ભારતીય રણના પ્રાણીઓ જેવા કે, શાહુડી. સસલુ, શેળો, ડેઝર્ટ હેર, ભારતીય ઘૂડખર, રીંછ, કેરેકલ, ભારતીય વરુ, શિયાળ, ઝરખ, ભારતીય રણ લોમડી જેવા પ્રાણીઓ રાખવામાં આવશે. આ ઉપરાંત, પ્રોજેક્ટના અન્ય મુખ્ય આકર્ષણોમાં રેપ્ટાઇલ સફારી, રેઇન ફોરેસ્ટ બાયોમ અને એક્વેરિયમનો પણ સમાવેશ થાય છે.આફ્રિકન રણના પ્રાણીઓમાં મુખ્ય આકર્ષણ રહેશે. જેમાં એંગોલન જિરાફ, ગ્રેવીઝ ઝેબ્રા, સિમિતાર ઓરિક્સ, આફ્રિકન કુડુ સ્પિં્રગબોક, અદ્રા ગેઝેલ, બ્લેક રાઇનોસરોસ, ચિમ્પાન્ઝી, મીરકાટ, આફ્રિકન ચિત્તો, આફ્રિકન સિંહ, ફેનેક ફોક્સ, બેટ-ઇયર્ડ ફોક્સ અને શાહમળગનો સમાવેશ થાય છે. આ સિવાય, ઓસ્ટ્રેલિયન રણના પ્રાણીઓ જેવા કે કાંગારૂ, એમુ અને વોલાબી પણ મુલાકાતીઓ માટે મુખ્ય આકર્ષણનું કેન્દ્ર બનશે.
(3:03 PM IST)
છેલ્લા 8 દિવસમાં સૌથી લોકપ્રિય 
