રાજકોટ તા. ૧૪ : સ્‍વાતંત્ર્ય પર્વની પૂર્વસંધ્‍યાએ ગુજરાત પોલીસ ફોર્સ માટે ગૌરવના સમાચાર આવ્‍યા છે. કેન્‍દ્રીય ગળહ મંત્રાલયે સ્‍વાતંત્ર્ય દિવસ-૨૦૨૬ નિમિત્તે જાહેર કરેલી રાષ્‍ટ્રીય પોલીસ સેવા ચંદ્રકોની યાદીમાં ગુજરાતના ૧૯ પોલીસ અધિકારીઓ અને જવાનો સ્‍થાન પામ્‍યા છે. તેમાં ગુજરાતના બે અધિકારીઓને વિશિષ્ટ સેવા માટે રાષ્‍ટ્રપતિ ચંદ્રક અને અન્‍ય ૧૭ અધિકારી-જવાનોને પ્રશંસનીય સેવા ચંદ્રક જાહેર થયો છે. ગુજરાત માટે આ વખતે શૌર્ય ચંદ્રકની સંખ્‍યા શૂન્‍ય છે.

કેન્‍દ્ર સરકારની સત્તાવાર જાહેરાત મુજબ સમગ્ર દેશમાં પોલીસ, અગ્નિશમન, હોમગાર્ડ-નાગરિક સંરક્ષણ તથા સુધારણા સેવાઓના કુલ ૧,૦૫૭ કર્મચારીઓને ચંદ્રકો જાહેર કરાયા છે. તેમાં ૩૦૧ શૌર્ય ચંદ્રક, ૯૨ વિશિષ્ટ સેવા માટે રાષ્‍ટ્રપતિ ચંદ્રક અને ૬૬૪ પ્રશંસનીય સેવા ચંદ્રકનો સમાવેશ થાય છે. વિશિષ્ટ સેવા માટેનો રાષ્‍ટ્રપતિ ચંદ્રક સેવાકાળના અત્‍યંત વિશિષ્ટ રેકોર્ડ બદલ અને પ્રશંસનીય સેવા ચંદ્રક સાધનસંપન્નતા તથા કર્તવ્‍યનિષ્ઠાથી બજાવેલી મૂલ્‍યવાન સેવા બદલ આપવામાં આવે છે.

વિશિષ્ટ સેવાના શિરમોર : એ કે વિશ્વકર્મા અને બી એ  ચુડાસમા

ગુજરાતમાંથી અમિતકુમાર કિશોર વિશ્વકર્મા, અતિરિક્‍ત પોલીસ મહાનિર્દેશક (હાલ ગુજરાત આતંકવાદ વિરોધી દળ તથા દરિયાઈ સુરક્ષા, અમદાવાદ) અને બહાદુરસિંહ અભેસિંહ ચુડાસમા, નાયબ પોલીસ અધિક્ષકને વિશિષ્ટ સેવા માટે રાષ્‍ટ્રપતિ ચંદ્રક જાહેર થયો છે. ગળહ મંત્રાલયની સત્તાવાર યાદીમાં બંનેનાં નામ ગુજરાતના આ શ્રેણીના બે વિજેતા તરીકે નોંધાયા છે. અમિતકુમાર વિશ્વકર્મા તાજેતરની જાહેર નોંધોમાં પણ ગુજરાત આતંકવાદ વિરોધી દળના અતિરિક્‍ત પોલીસ મહાનિર્દેશક તરીકે કાર્યરત દર્શાવવામાં આવ્‍યા છે.

પ્રશંસનીય સેવામાં ગુજરાતના ૧૭ ખાખીધારીઓનો દબદબો

પ્રશંસનીય સેવા ચંદ્રક માટે સૌરભ દૌલાલ તોલુંબિયા, પોલીસ મહાનિરીક્ષક (હાલ કેન્‍દ્રીય પ્રતિનિયુક્‍તિ ઉપર ગેઇલ ઇન્‍ડિયા, નવી દિલ્‍હી ખાતે સુરક્ષા સલાહકાર), કનૈયા લક્ષ્મણભાઈ વાઘેલા, નાયબ પોલીસ અધિક્ષક, બાબાભાઈ રામજીભાઈ કોળી, પોલીસ નિરીક્ષક, બળવંતસિંહજી મોતીસિંહજી સોલંકી, સશષા પોલીસ ઉપનિરીક્ષક, દિલીપસિંહ કિરીટસિંહ રાણા, સહાયક પોલીસ ઉપનિરીક્ષક, સંદીપ મહેન્‍દ્રભાઈ પટેલ, પોલીસ ઉપનિરીક્ષક, જયસિંહ ઘનશ્‍યામસિંહ રાજ, પોલીસ ઉપનિરીક્ષક અને દિનેશકુમાર મણીભાઈ પટેલ, પોલીસ ઉપનિરીક્ષકની પસંદગી થઈ છે.

સૌરભ તોલુંબિયા હાલમાં ગેઇલ ઇન્‍ડિયામાં સુરક્ષા સલાહકાર તરીકે કાર્યરત હોવાનું તાજેતરની જાહેર નોંધમાં પણ દર્શાવાયું છે.

આ જ શ્રેણીમાં અનિલ શિવરામન નાયર, પોલીસ ઉપનિરીક્ષક, નાનજી તારશીભાઈ અઘેરા, સશષા પોલીસ ઉપનિરીક્ષક, સબ્‍બીરખાન કરીમખાન થેબા, સહાયક પોલીસ ઉપનિરીક્ષક, અજય પ્રહલાદભાઈ ઓઝા, હેડ કોન્‍સ્‍ટેબલ, તરુણસિંહ ગણપતસિંહ સોલંકી, હેડ કોન્‍સ્‍ટેબલ, ઉત્તમસિંહ ગુણવંતસિંહ ઝાલા, પોલીસ ઉપનિરીક્ષક, રાજેશકુમાર કરશનભાઈ મીર, હેડ કોન્‍સ્‍ટેબલ, ભરતસિંહ નટવરસિંહ વાઘેલા, પોલીસ ઉપનિરીક્ષક અને કલ્‍પેશકુમાર સોમાભાઈ દેસાઈ, સહાયક પોલીસ ઉપનિરીક્ષકને પ્રશંસનીય સેવા ચંદ્રક જાહેર થયો છે.ગુજરાત પોલીસના ઉચ્‍ચ અધિકારીથી લઈને હેડ કોન્‍સ્‍ટેબલ સુધીના વિવિધ સ્‍તરના ૧૯ પોલીસ ઓફિસર્સ અને જવાનો રાષ્‍ટ્રીય સન્‍માન માટે પસંદગી થતાં પોલીસ બેડામાં ગૌરવની લાગણી છવાઈ છે.

   અમિત વિશ્વકર્મા             સૌરભ તોલુંબીયા