બનાસકાંઠાના પ્રસિદ્ધ અંબાજી મંદિરમાં શ્રાવણ સુદ પૂનમના પાવન દિવસે અમદાવાદના એક માઈ ભક્તે માતાજીના ચરણોમાં સોનાનું દાન અર્પણ કર્યું હતું. ભક્તે પોતાની ઓળખ ગુપ્ત રાખીને આ ધાર્મિક ભેટ આપી હતી. સોનાના આ દાનની કિંમત અંદાજે રૂ.24.75 લાખ હોવાનું જાણવા મળ્યું છે.

મળતી માહિતી મુજબ અમદાવાદથી દર વર્ષે અંબાજી માતાના દર્શન કરવા આવતા એક ભક્તે આજે શ્રાવણ સુદ પૂનમના દિવસે માતાજીને સોનાની ભેટ અર્પણ કરી હતી. ભક્તે પોતાની ઓળખ જાહેર ન કરવાની ઇચ્છા વ્યક્ત કરી હતી.માતાજી પ્રત્યેની આસ્થા અને શ્રદ્ધાના ભાગરૂપે ભક્તે સોનાની લગડીઓ અને ટુકડાઓ ભેટ સ્વરૂપે અર્પણ કર્યા હતા. મંદિર ટ્રસ્ટ દ્વારા આ દાન સ્વીકારી જરૂરી પ્રક્રિયા હાથ ધરવામાં આવી હતી.

આ ભક્ત દ્વારા કુલ 167.270 ગ્રામ સોનું અંબાજી માતાના ચરણોમાં અર્પણ કરવામાં આવ્યું છે. તેમાં 2 સોનાની લગડી અને 2 સોનાના ટુકડાનો સમાવેશ થાય છે. આ સોનાની કુલ અંદાજિત કિંમત રૂ.24,75,000 હોવાનું જણાવાયું છે.શ્રાવણ સુદ પૂનમના પવિત્ર દિવસે થયેલા આ દાનને ભક્તિ અને શ્રદ્ધાના પ્રતીક તરીકે જોવામાં આવી રહ્યું છે.

દાન કરનાર ભક્ત અમદાવાદથી દર વર્ષે અંબાજી આવી માતાજીના દર્શન કરે છે. આ વખતે પણ શ્રાવણ સુદ પૂનમના શુભ અવસરે તેમણે અંબાજી ધામની મુલાકાત લીધી હતી અને માતાજીના ચરણોમાં સોનાની ભેટ અર્પણ કરી હતી.અંબાજી મંદિર ખાતે ભક્તો દ્વારા સોના-ચાંદી સહિત વિવિધ પ્રકારની ભેટ અને દાન અર્પણ કરવામાં આવે છે. જોકે, પોતાની ઓળખ ગુપ્ત રાખીને રૂ.24.75 લાખનું સોનું અર્પણ કરનાર અમદાવાદના આ ભક્તનું દાન શ્રદ્ધાળુઓમાં ચર્ચાનો વિષય બન્યું છે.