અમદાવાદના બોપલ વિસ્તારમાં આવેલી એક દુકાનમાં અચાનક આગ ફાટી નીકળતાં સ્થાનિક લોકોમાં ભારે અફરાતફરી અને દોડધામ મચી ગઈ હતી. આ આગની ઘટના બોપલના પ્રખ્યાત ટીઆરપી મોલની નજીક આવેલી એક દુકાનમાં બની હતી, જેમાં જોતજોતામાં ધુમાડાના ગોટેગોટા આકાશમાં ઉડતા જોવા મળ્યા હતા. ઘટનાની જાણ થતાં જ ફાયર બ્રિગેડની ટીમ તાત્કાલિક અસરથી ફાયર ફાઈટરો સાથે ઘટના સ્થળે દોડી ગઈ હતી અને ભારે જહેમત બાદ આગ પર સંપૂર્ણ કાબૂ મેળવ્યો હતો. સદનસીબે આ આગની દુર્ઘટનામાં કોઈ જાનહાનિના સમાચાર નથી, જેને પગલે વહીવટી તંત્ર અને સ્થાનિક લોકોએ રાહતનો શ્વાસ લીધો છે. જોકે, આગ કયા કારણોસર લાગી તે હજુ સુધી જાણી શકાયું નથી.