અમદાવાદઃ નવા વર્ષના હર્ષોલ્લાસ વચ્ચે જ અમદાવાદ શહેરમાં એક સનસનાટીભરી લોહિયાળ ઘટના સામે આવતાં ભયાનક ફફડાટ વ્યાપી ગયો છે. શહેરના જમાલપુર વિસ્તારમાં મોડી રાત્રે જૂની અંગત અદાવતનું ઝેર ઉગાળીને ચોક્કસ તત્વોએ એક નિર્દોષ યુવકને ઘેરી લીધો હતો અને તેના પર તીક્ષ્ણ છરીના આડેધડ ઘા ઝીંકી દેતાં ક્ષણવારમાં જ રસ્તાઓ લોહીથી રક્તરંજિત બની ગયા હતા.

ઘટના અંગે મળતી માહિતી પ્રમાણે, 9 નવેમ્બરની રાત્રે રાયપુર નજીકના કે.કા. શાસ્ત્રીનગરમાં એક મહિના જૂની અદાવતને લઈને હિંસક ઘટના બની હતી. યુવક પોતાના વિસ્તારમાં આવેલા બ્લોક નંબર-3 પાસે ઊભો હતો. ત્યારે શેખુ મિયાની ચીલાનો રહીશ ત્યાં આવ્યો હતો. જેણે યુવકના ભાઈ સાથે થયેલા અગાઉના ઝઘડાની બાબતને લઈ બોલાચાલી શરૂ કરી દીધી હતી. આ જોઈને યુવક પોતાના ભાઈને છોડાવવા માટે વચ્ચે પડ્યો હતો. પરંતુ ઉશ્કેરાયેલા આરોપીએ તેને બિભત્સ શબ્દો કહી જાનથી મારી નાખવાની ધમકી આપી હતી.

આ દરમિયાન ગુસ્સામાં આવેલા આરોપીએ પોતાના ખિસ્સામાંથી છરી કાઢીને યુવકની છાતીમાં ખૂંપી દીધી હતી. ઘટનાસ્થળે આસપાસના લોકો એકઠા થતા હુમલાખોર આરોપી ત્યાંથી ફરાર થઈ ગયો હતો. હુમલામાં યુવક ઈજાગ્રસ્ત થતા તેને તાત્કાલિક સારવાર અર્થે હોસ્પિટલ ખસેડવામાં આવ્યો હતો. જોકે સારવાર દરમિયાન તેનું મૃત્યું નિપજ્યું હતું. આ સમગ્ર મામલે મૃતકના ભાઈએ કાગડાપીઠ પોલીસ મથકમાં ફરિયાદ દાખલ કરાવી છે. પોલીસે ફરીર આરોપીને ઝડપી પાડવા તપાસ તેજ કરી છે.