નર્મદા જિલ્લામાં ચોમાસાના લાંબા વિરામ બાદ ફરી એકવાર મેઘરાજાની શાહી સવારી આવી પહોંચી છે. વિશ્વપ્રસિદ્ધ સ્ટેચ્યુ ઓફ યુનિટી ધરાવતા કેવડિયા તેમજ ગરુડેશ્વર તાલુકા પરિસરમાં મોડી રાતથી જ ધીમીધારે શાંત વરસાદ વરસ્યો હતો.

ખાસ કરીને રાત્રિ દરમિયાન પડેલો આ વરસાદ સંપૂર્ણપણે ખેતીલાયક સાબિત થયો છે, જેનાથી જમીનમાં જરૂરી ભેજ ઉતરી ગયો છે. ખેતરો સુકાઈ જવાના આરે હતા ત્યારે જ કુદરતે મહેરબાની કરતાં નર્મદા કાંઠાના ખેડૂતોએ રાહતનો દમ લીધો છે અને સ્થાનિક જનજીવનમાં નવી ચેતના જોવા મળી રહી છે.