ખેડાના મહેમદાવાદનાં કેશરા નજીક ગમખ્વાર અકસ્માતમાં બે મહિલાઓનાં કરુણ મોત થયા છે. અમદાવાદ–ડાકોર હાઈવે પર આઈસર અને બાઈક વચ્ચે અકસ્માત સર્જાતા બે મહિલાઓએ જીવ ગુમાવ્યા છે . મહેમદાવાદ તાલુકાના કેશરા ગામની મુવાડી પાટિયા પાસે ગમખ્વાર અકસ્માત સર્જાયો હતો . અમદાવાદ–ડાકોર રોડ પર આઈસર વાહને બાઈકને ટક્કર મારતા અકસ્માત સર્જાયો હતો . અકસ્માતમાં બાઈક પર સવાર બે મહિલાઓનાં ઘટનાસ્થળે કરુણ મોત નીપજ્યાં છે . રોડ પર ખાડા પૂરવાની કામગીરી દરમિયાન ડિવાઈડર કે યોગ્ય સુરક્ષા વ્યવસ્થા ન હોવાના કારણે અકસ્માત સર્જાયો હતો . અકસ્માતને પગલે ઘટનાસ્થળે આસપાસના લોકોનાં ટોળેટોળાં એકઠાં થયા હતા . બનાવની જાણ થતાં પોલીસનો કાફલો ઘટનાસ્થળે પહોંચ્યો હતો . પોલીસે બંને મૃતદેહોને પોસ્ટમોર્ટમ અર્થે ખસેડવાની તજવીજ હાથ ધરી છે .