વડોદરાના સાવલીની ગોઠડા ચોકડી પાસે આવેલા કોટનના ગોડાઉનમાં ભીષણ આગ લાગવાની ઘટના બની હતી. ઓશીકાં અને બેડશીટ બનાવતા ગોડાઉનમાં આગ લાગતાં અફરાતફરીનો માહોલ સર્જાયો હતો. આગની જાણ થતાં જ ફાયર બ્રિગેડની ટીમ તાત્કાલિક ઘટનાસ્થળે પહોંચી હતી અને ભારે જહેમત બાદ આગ પર કાબૂ મેળવ્યો હતો. આગની ઝપેટમાં ગોડાઉનમાં પાર્ક કરેલી એક મોટરસાઇકલ પણ બળીને ખાખ થઈ ગઈ હતી. સદનસીબે આ ઘટનામાં કોઈ જાનહાનિ થઈ નથી. જોકે આગ લાગવાનું ચોક્કસ કારણ હજુ જાણવા મળ્યું નથી અને તપાસનો વિષય બન્યું છે.