વડોદરા :સાવલી નગરના મધ્યમાં આવેલી બેંક ઓફ બરોડા નજીક આજે અચાનક વીજ વાયરોમાં આગ ફાટી નીકળી હતી. શોર્ટ સર્કિટને કારણે લાગેલી આ આગને પગલે વીજ લાઈનોમાંથી તણખા ઝરવા લાગ્યા હતા અને જોતજોતામાં વાયરો સળગવા માંડ્યા હતા. જાહેર માર્ગ પર બનેલી આ ઘટનાને કારણે આસપાસના રહેવાસીઓ અને વેપારીઓમાં ભારે ભયનો માહોલ જોવા મળ્યો હતો. આગની જ્વાળાઓ જોવા માટે મોટી સંખ્યામાં લોકોના ટોળા પણ ઉમટી પડ્યા હતા.