અમદાવાદ તા.૨૫: અમદાવાદના એલિસબ્રિજ પાસેથી પસાર થઈ રહેલી એક બાઇકનો વિડિયો સોશ્‍યલ મીડિયા પર વાઇરલ થયો છે. ગુજરાતમાં ટૂ-વ્‍હીલર પર ત્રણ સવારી કરવી એ બહુ કોમન છે, પરંતુ આ વિડિયોમાં ચાર યુવાનો બાઇક પર છે. ચોથા ભાઈ તો ત્રીજા સવારના ખભે બેસીને સવારી કરે છે. આ વિડિયો વાઇરલ થતાં એલિસબ્રિજ પોલીસે આ યુવાનો પર કાર્યવાહી કરી હતી અને તેમની સામે ટ્રાફિકના નિયમોનો ભંગ કરીને પોતાની અને બીજાની લાઇફને જોખમમાં મૂકવાની ફરિયાદ નોંધી હતી.