ગાંધીનગર, તા. 7 : ગુજરાત માધ્યમિક અને ઉચ્ચતર માધ્યમિક શિક્ષણ બોર્ડ દ્વારા ધોરણ-10 એસએસસી અને સંસ્કૃત પ્રથમા પરીક્ષાનું પરિણામ જાહેર કરવામાં આવ્યું છે. બોર્ડની યાદી મુજબ ફેબ્રુઆરી-માર્ચ 2025માં યોજાયેલી પરીક્ષાનું પરિણામ તા. 05/05/2025ના રોજ વેબસાઇટ *www.gseb.org* પર મૂકવામાં આવ્યું છે.

બોર્ડ દ્વારા આ વર્ષથી શાળાઓ માટે મહત્વનો નિર્ણય લેવાયો છે. વર્ષ 2025થી તમામ શાળાઓ પોતાનો સ્કૂલ રેકોર્ડ એટલે કે SR ઓનલાઇન માધ્યમથી કોઈપણ સમયે ડાઉનલોડ કરી શકશે. ફેબ્રુઆરી-માર્ચ 2025ના પરિણામ માટેનો SR આજે તા. 07/05/2025થી *sr.gseb.org* અથવા *gseb.org* પરથી ઇન્ડેક્સ નંબર અને પાસવર્ડથી લોગીન કરીને ડાઉનલોડ કરી શકાશે.

બોર્ડના સચિવ આર.આર. વ્યાસે જારી કરેલી યાદીમાં તમામ માધ્યમિક શાળાઓને આ બાબતની નોંધ લેવા જણાવાયું છે.