ભરૂચ જિલ્લાના જંબુસર તાલુકાના મદાફર ગામે વરસાદી પાણી જોવા જતી વખતે સર્જાયેલી કરુણ દુર્ઘટનામાં નઇમ ઇકબાલ રાણા નામનો યુવક પાણીમાં તણાઈ ગયો હતો. ઘટનાની જાણ થતાં ગ્રામજનોએ ભારે જહેમત બાદ પાણીમાંથી યુવકનો મૃતદેહ શોધી કાઢ્યો હતો. આ દુર્ઘટનાને પગલે જંબુસર મામલતદાર સહિતનું વહીવટી તંત્ર તાત્કાલિક ઘટનાસ્થળે દોડી ગયું હતું અને પોલીસે ગુનો નોંધીને સમગ્ર મામલે વધુ તપાસ શરૂ કરી છે.