રાજકોટ: ગુજરાત રાજ્યમાં હાલ ચોમાસું અત્યંત સક્રિય બન્યું છે અને મેઘરાજાએ રૌદ્ર સ્વરૂપ ધારણ કર્યું છે. હવામાન વિભાગ દ્વારા રાજ્યમાં આગામી ૩ કલાક માટે એટલે કે બપોરે ૧૨ વાગ્યા સુધી અતિ ભારે વરસાદની આગાહી સાથે નાઉકાસ્ટ જાહેર કરવામાં આવ્યું છે. 

ઉત્તર ગુજરાતના પાટણ જિલ્લામાં સવાર સુધીમાં જ ૧૫ ઇંચ જેટલો ભારે વરસાદ ખાબકી જતા સર્વત્ર જળબંબાકારની સ્થિતિ સર્જાઈ છે. ભારે વરસાદને પગલે કચ્છ, બનાસકાંઠા અને પાટણ જિલ્લામાં હવામાન વિભાગે રેડ એલર્ટ આપ્યું છે. 

બીજી તરફ મોરબી, જામનગર, રાજકોટ સહિત સમગ્ર સૌરાષ્ટ્ર, દક્ષિણ ગુજરાત અને મહેસાણામાં ઓરેન્જ એલર્ટ આપવામાં આવ્યું છે. 

અવિરત વરસાદના કારણે રાજકોટ પંથકની મોજ નદી ગાંડીતૂર બની છે. 

જ્યારે મોરબી પંથકમાં ફસાયેલા એક સગીરનું સુરક્ષિત રીતે રેસ્ક્યુ કરવામાં આવ્યું છે.