<img height="1" width="1" style="display:none" src="https://www.facebook.com/tr?id=1793108690839422&ev=PageView&noscript=1" />
News of Saturday, 21st November 2026

સાણંદના છારોડી વિસ્તારમાં થયેલા ફાયરિંગ કેસમાં પોલીસની કડક કાર્યવાહી: 3 શખ્સોની અટકાયત

બનાવમાં સામેલ અન્ય ફરાર આરોપીઓને ઝડપી પાડવા માટે પોલીસ દ્વારા વિશેષ ટીમો બનાવીને સઘન તપાસના ચક્રો ગતિમાન કરાયા

અમદાવાદ ગ્રામ્ય વિસ્તારના સાણંદ તાલુકાના છારોડી ગામમાં ગત મોડી રાત્રે અચાનક થયેલા ફાયરિંગની ઘટનાને પગલે ભારે ચકચાર મચી ગઈ છે. પ્રાપ્ત વિગતો અનુસાર, કોઈ અદાવત કે તકરારને કારણે થયેલી આ બોલાચાલી દરમિયાન એક રાઉન્ડ ફાયરિંગ કરવામાં આવ્યું હતું. આ ફાયરિંગની ઘટના બાદ કાયદાના ડરે ફરિયાદી અને આરોપી બંને પક્ષો ઘટના સ્થળેથી ફરાર થઈ ગયા હતા. ઘટનાની જાણ થતાં જ સાણંદ GIDC પોલીસ સ્ટેશનનો કાફલો તાત્કાલિક ઘટનાસ્થળે દોડી ગયો હતો અને સમગ્ર મામલે જાત તપાસ કરી ગુનો નોંધ્યો હતો. પોલીસની સઘન તપાસ અને ટેકનિકલ સર્વેલન્સના આધારે પોલીસે આ પ્રકરણમાં સંડોવાયેલા કુલ 3 શખ્સોની અટકાયત કરી લીધી છે, જ્યારે આ કાવતરા કે બનાવમાં સામેલ અન્ય ફરાર આરોપીઓને ઝડપી પાડવા માટે પોલીસ દ્વારા વિશેષ ટીમો બનાવીને સઘન તપાસના ચક્રો ગતિમાન કરવામાં આવ્યા છે.

(1:15 AM IST)