સુરત જિલ્લાના પલસાણા તાલુકાના બગુમરા રેલવે ફાટક નજીક અકસ્માત સર્જાયો છે. રાજસ્થાનના ભીલવાડા જિલ્લાના રહેવાસી અને હાલ તાતીથૈયા સ્થિત બાલાજી નગરમાં રહેતા 28 વર્ષીય યુવક પંકજ જોષીનું જોધપુર-કન્યાકુમારી એક્સપ્રેસ ટ્રેનની અડફેટે આવતા ઘટનાસ્થળે જ કરુણ મોત નીપજ્યું છે. ઘટનાની જાણ થતાં જ પલસાણા પોલીસ તાત્કાલિક સ્થળ પર પહોંચી હતી અને તપાસ હાથ ધરી હતી. મૃતદેહને પોસ્ટમોર્ટમ માટે ખસેડવામાં આવ્યો છે