ગાંધીનગર સ્થિત ભાજપ પ્રદેશ કાર્યાલય 'કમલમ' ખાતે આજે ત્રણ રાજ્યોની વિધાનસભા ચૂંટણી અને ઉમરેઠ પેટાચૂંટણીમાં પક્ષના શાનદાર વિજયને વધાવવા માટે અભૂતપૂર્વ ઉત્સાહ જોવા મળ્યો હતો. ઢોલ-નગારાના ગુંજારવ અને આતશબાજી વચ્ચે મુખ્યમંત્રી, નાયબ મુખ્યમંત્રી અને પ્રદેશ પ્રમુખની હાજરીમાં વિજયોત્સવ મનાવવામાં આવ્યો હતો.મુખ્યમંત્રી ભૂપેન્દ્રભાઈ પટેલે આ ઐતિહાસિક જીત બદલ આનંદ વ્યક્ત કરતા જણાવ્યું હતું કે, "પશ્ચિમ બંગાળ સહિતના રાજ્યોમાં ભાજપની જીત બદલ હું આદરણીય પ્રધાનમંત્રી નરેન્દ્રભાઈ  મોદીને ખૂબ ખૂબ અભિનંદન પાઠવું છું. આ વિજય ભાજપના લાખો કાર્યકર્તાઓની અથાક મહેનતનું પરિણામ છે. વધુમાં, ઉમરેઠ વિધાનસભાની પેટાચૂંટણીમાં પણ જનતાએ ભાજપ પર વિશ્વાસ મૂકીને વિજયી બનાવ્યો છે, જે બદલ હું મતદારોનો આભાર માનું છું