રંઘોળા : મહેસાણા જિલ્લાના પિલુદરા સ્થિત શક્તિધામ ખાતે સમગ્ર ગ્રામજનોના સાથ-સહકારથી આગામી સપ્તાહે ભવ્ય શ્રીમદ્ ભાગવત કથાનું આયોજન કરવામાં આવ્યું છે.

આ કથાનું આયોજન સ્વામી રામાનંદ તીર્થ દ્વારા પોતાના પિતૃઓના મોક્ષાર્થે હાથ ધરવામાં આવ્યું છે. આ પવિત્ર જ્ઞાનયજ્ઞમાં રંઘોળા (ભાવનગર) ના સુપ્રસિદ્ધ કથાકાર વૈશાળીબાળા આચાર્ય વ્યાસપીઠ પરથી શ્રોતાઓને શ્રીમદ્ ભાગવત કથામૃતનું રસપાન કરાવશે.

આ ભાગવત સપ્તાહનો મંગલ પ્રારંભ રવિવાર, ૨૭ સપ્ટેમ્બરના રોજ થશે, જ્યારે કથાની પૂર્ણાહુતિ શનિવાર, ૩ ઓક્ટોબરના રોજ થશે. આ ધાર્મિક મહોત્સવને સફળ બનાવવા માટે પિલુદરા ગામના ગ્રામજનો ભારે ઉત્સાહપૂર્વક તૈયારીઓમાં જોડાયા છે. (અહેવાલ - મુકેશ પંડિત)