અમદાવાદ: રાજ્યમાં ચોમાસાના પ્રારંભ સાથે જ નવી અપર એર સિસ્ટમ બનવાની શક્યતાઓ સર્જાતી જતી હોય સૌરાષ્ટ્ર, દક્ષિણ ગુજરાત અને મુંબઈમાં ભારે વરસાદની ચેતવણી આપવામાં આવી છે.

રાજ્યમાં નૈઋત્યના ચોમાસાની સત્તાવાર શરૂઆત થઈ ચૂકી છે, ત્યારે હવામાન વિભાગ દ્વારા વરસાદને લઈને મોટી અને મહત્વની આગાહી કરવામાં આવી છે. હવામાન નિષ્ણાતો અને મીડિયા પ્લેટફોર્મ્સના અહેવાલો મુજબ, આગામી દિવસોમાં વાતાવરણમાં નવી 'અપર એર સિસ્ટમ્સ' આકાર લેવાની પ્રબળ સંભાવનાઓ જોવા મળી રહી છે. આ સિસ્ટમ સક્રિય થવાને કારણે પવનોની દિશા બદલાશે અને અરબી સમુદ્ર પરથી ભેજવાળું વાતાવરણ સર્જાશે. જેના પરિણામે આગામી દિવસોમાં દક્ષિણ ગુજરાતના વિસ્તારો, સમગ્ર સૌરાષ્ટ્ર પંથક અને પાડોશી રાજ્યના મુંબઈમાં ભારેથી અતિભારે વરસાદ ખાબકવાની આગાહી વ્યક્ત કરવામાં આવી છે.