ગાંધીનગરના ઇન્ચાર્જ જિલ્લા મેજિસ્ટ્રેટ દ્વારા જિલ્લામાં કાર્યરત સ્પા અને મસાજ પાર્લરોમાં થતી ગેરકાયદેસર પ્રવૃત્તિઓ પર લગામ કસવા માટે એક કડક જાહેરનામું બહાર પાડવામાં આવ્યું છે. આ નવા આદેશ અનુસાર, તમામ સ્પા સંચાલકોએ તેમના કર્મચારીઓની સંપૂર્ણ વિગતો સ્થાનિક પોલીસ મથકમાં જમા કરાવવી પડશે. ખાસ કરીને વિદેશી કર્મચારીઓના પાસપોર્ટ અને વીઝાની નકલ સબમિટ કરવી ફરજિયાત રહેશે. આ ઉપરાંત, સંચાલકોએ પોતાના જરૂરી દસ્તાવેજો જમા કરાવવાના રહેશે તેમજ સ્પા માટે રજીસ્ટ્રેશન અને જીએસટી (GST) નંબર મેળવવો પણ અનિવાર્ય કરી દેવાયો છે.