સુરત : સુરતના ઇતિહાસનો સૌથી કાળો દિવસ ગણાતા તક્ષશિલા અગ્નિકાંડને આજે 7 વર્ષ પૂર્ણ થયા છે. 24 મે 2019ના રોજ સરથાણાના તક્ષશિલા આર્કેડના ચોથા માળે ચાલતા ટ્યુશન ક્લાસીસમાં લાગેલી ભયાનક આગમાં 22 માસૂમ વિદ્યાર્થીઓએ જીવ ગુમાવ્યો હતો. આજે મૃતક બાળકોના પરિવારજનોએ સરથાણા ખાતે એકઠા થઈ આંખોમાં આંસુ સાથે શ્રદ્ધાંજલિ અર્પી હતી. 1b3c

 

*શું બન્યું હતું 7 વર્ષ પહેલા?

 

24 મે 2019ના રોજ તક્ષશિલા આર્કેડના ચોથા માળે કાયદાઓનો ભંગ કરીને ઊભું કરાયેલું ડોમ સ્ટ્રક્ચર સેકન્ડોમાં ભડભડ સળગી ગયું હતું. આ ભયાનક આગમાં 22 જેટલા હોનહાર બાળકો જીવતા ભૂંજાઈ ગયા હતા અથવા બચવા માટે ઉપરથી કૂદતા મોતને ભેટ્યા હતા. 1b3c

 

*7 વર્ષ બાદ પણ ન્યાયની રાહ*

આજે 7 વર્ષ વીતી ગયા હોવા છતાં પીડિત પરિવારો ન્યાયના નામે ખાલી હાથે ઉભા છે. કેસ હજુ પણ ટ્રાયલ સ્ટેજમાં છે અને સુનાવણીઓ ધીમી ગતિએ ચાલી રહી છે. 1b3ccfbe

 

*કેસનું સ્ટેટસ 2026:*

- કેસમાં કુલ 14 આરોપીઓ હતા: બિલ્ડર્સ, ફાયર વિભાગના અધિકારીઓ, SMC અધિકારીઓ અને કોચિંગ સેન્ટર સંચાલક સામેલ હતા cfbe

- હાલના રિપોર્ટ મુજબ બધા 14 આરોપીઓ હાલ જામીન પર બહાર છે 

- સાક્ષીઓની પુછપરછ ધીમી ગતિએ ચાલી રહી છે અને સુનાવણીઓ વચ્ચે 30 દિવસ કે વધુનો ગેપ આપવામાં આવે છે 

 

 

પરિવારોનો આક્રોશ

 

મૃતક દીકરી ગ્રીષ્મા ગજેરાના પિતા જયસુખભાઈ ગજેરાએ મીડિયા સામે આંસુ સાથે કહ્યું કે 7 વર્ષોમાં એ પરિવારોનું દર્દ જરાય ઓછું નથી થયું જેમણે પોતાની આંખો સામે કાળજાના ટુકડાઓને આગની જ્વાળાઓમાં હોમાતા જોયા હતા. પરિવારોનો મુખ્ય પ્રશ્ન છે કે “જ્યારે પુરાવા સ્પષ્ટ છે, તો ન્યાયમાં આટલો વિલંબ કેમ?”

 

 

સિસ્ટમ સામે પ્રશ્નો યથાવત

 

પીડિત પરિવારોનો આરોપ છે કે ફાયર સેફ્ટી નિયમો માત્ર કાગળ પર છે, વાસ્તવમાં અમલવારી નબળી છે. બિલ્ડિંગ મંજૂરી પ્રક્રિયા અને તપાસ તંત્રની ખામીઓ પણ આ દુર્ઘટનામાં સ્પષ્ટ જોવા મળી હતી. મોરબીનો ઝૂલતો પુલ અકસ્માત, વડોદરાનો હરણી તળાવ દુર્ઘટના અને રાજકોટનો ગેમઝોન આગકાંડ જેવી ઘટનાઓએ ફરી સુરક્ષા વ્યવસ્થાની ખામીઓ ઉજાગર કરી છે. 

 

સ્મારક બનાવવાનું આયોજન

 

 

તક્ષશિલા હોનારતમાં મોતને ભેટેલા 22 માસુમ બાળકોને શ્રદ્ધાંજલિ અને સ્મરણ માટે શાસકો દ્વારા સ્મારક બનાવવાનું આયોજન કરવામાં આવ્યું છે.

 

સમય વહી જાય છે, પણ રૂઝાયેલા ઘા ફરી લીલા થઈ જાય છે. DGVCL અને ફાયર વિભાગની ઘોર બેદરકારીએ 22 માસૂમોની જિંદગીનો દીવો કાયમ માટે બુઝાવી દીધો હતો.