અમદાવાદના મકરબામાં નવનિર્મિત ઓવરબ્રિજના લોકાર્પણ બાદ પણ ટ્રાફિકની સમસ્યા યથાવત રહેવા પામી છે. આજે મુખ્ય પ્રધાન ભૂપેન્દ્રભાઈ પટેલના હસ્તે, નવનિર્મિત રેલવે ઓવરબ્રિજનું  લોકાર્પણ કરવામાં આવ્યું છે. લોકાર્પણના થોડા કલાકો બાદ જ ટ્રાફિક જામની સમસ્યા સર્જાઈ છે. ટ્રાફિક જામમાં એમ્બ્યુલન્સ પણ ફસાઈ ગઈ હતી. અવાર-નવાર ટ્રાફિક જામ થતો હોવાનો સ્થાનિકોનો આક્ષેપ છે.. વારંવાર ફરિયાદો કરવા છતાં પણ કોઈ નિરાકરણ આવતું નથી તેમ વાહનચાલક જણાવી રહ્યાં છે.