સુરતના વેસુ વિસ્તારમાં મહિલા કારચાલક દ્વારા અકસ્માત સર્જવાની ઘટના સામે આવી છે. કારચાલકે કાબૂ ગુમાવતા ફૂટપાથ પર સૂતેલા લોકોને અડફેટે લીધા હતા. આ અકસ્માત એટલો ગંભીર હતો કે કારની ટક્કરથી સ્ટ્રીટ લાઈટનો થાંભલો પણ ધરાશાયી થઈને રસ્તા પર પડ્યો હતો. ઘટનામાં એક વ્યક્તિને ગંભીર ઈજા પહોંચતા તાત્કાલિક સારવાર માટે હોસ્પિટલ ખસેડવામાં આવ્યો હતો. અકસ્માતને પગલે વિસ્તારમાં અફરાતફરીનો માહોલ સર્જાયો હતો. ઘટનાની જાણ થતાં વેસુ પોલીસ ઘટનાસ્થળે પહોંચી હતી અને કારચાલક મહિલા સામે અકસ્માત અંગે વધુ તપાસ હાથ ધરી હતી.