<img height="1" width="1" style="display:none" src="https://www.facebook.com/tr?id=1793108690839422&ev=PageView&noscript=1" />
News of Monday, 11th August 2025

વધુ બે મોટા દેશોએ પેલેસ્ટાઇનને માન્યતા આપવાની વાત કહેતા ઇઝરાયલને લાગ્યો ઝટકો

ગાઝામાં ચાલી રહેલ હિંસાને રોકવા માટે પેલેસ્ટાઇનને માન્યતા આપવાની વિચારણા:ઇઝરાયલ પર વધ્યું દબાણ

નવી દિલ્હી:  ફ્રાન્સ અને બ્રિટન સહિત લગભગ દોઢ ડઝન દેશોના દબાણનો સામનો કરી રહેલા ઇઝરાયલને વધુ એક ઝટકો લાગ્યો છે. હવે ઓસ્ટ્રેલિયા કહે છે કે તે આવતા મહિને યોજાનારી સંયુક્ત રાષ્ટ્ર મહાસભામાં પેલેસ્ટાઇનને માન્યતા આપશે. વડા પ્રધાન એન્થોની અલ્બાનીસે આ જાહેરાત કરી છે. તેમનું કહેવું છે કે ગાઝામાં ચાલી રહેલી હિંસાને રોકવા માટે પેલેસ્ટાઇનને માન્યતા મળે તે જરૂરી છે. તેમણે કહ્યું કે ફક્ત બે-રાજ્ય ઉકેલ જ કામ કરશે અને તે માનવતાના હિતમાં હશે. આ સાથે, ઇઝરાયલ પર દબાણ વધ્યું છે. ફ્રાન્સ અને બ્રિટન સહિત ઘણા મોટા યુરોપિયન દેશોએ પહેલાથી જ ઇઝરાયલને સલાહ આપી છે કે જો યુદ્ધ બંધ નહીં થાય, તો તેઓ પેલેસ્ટાઇનને માન્યતા આપશે.

ઇઝરાયલ માટે એ પણ ચિંતાનો વિષય છે કે ઓસ્ટ્રેલિયાની સાથે, ન્યુઝીલેન્ડ પણ પેલેસ્ટાઇનને માન્યતા આપવાનું વિચારી રહ્યું છે. ન્યુઝીલેન્ડ કહે છે કે  અમે પણ આ અંગે વિચારી રહ્યા છે. કિવી વડા પ્રધાન વિન્સ્ટન પીટર્સે કહ્યું કે અમારો દેશ પણ આ અંગે કાળજીપૂર્વક વિચાર કરી રહ્યો છે. અમે આવતા મહિને આ અંગે મોટો નિર્ણય લઈશું. આ રીતે, ઓસ્ટ્રેલિયા અને ન્યુઝીલેન્ડે સ્પષ્ટ કર્યું છે કે તેઓ પેલેસ્ટાઇનને માન્યતા આપવા માટે યુકે, ફ્રાન્સ અને કેનેડા જેવા દેશોના માર્ગને અનુસરશે.

અલ્બાનીસે કહ્યું કે પેલેસ્ટાઇનને ઓસ્ટ્રેલિયા દ્વારા માન્યતા આપવામાં આવશે. અમારી શરત એ રહેશે કે પેલેસ્ટાઇન ઓથોરિટી સરકાર ચલાવે. હમાસને ગાઝામાં કોઈ દખલ ન હોવી જોઈએ. આ ઉપરાંત, ગાઝામાં ચૂંટણીઓ યોજીને નવા નેતૃત્વની પણ પસંદગી થવી જોઈએ. અલ્બાનીસે કેબિનેટની બેઠક બાદ કહ્યું કે પેલેસ્ટાઇન અંગે અમારી સરકારમાં સર્વસંમતિ છે. અમે સ્પષ્ટપણે માનીએ છીએ કે શાંતિના માર્ગ પર આગળ વધવા માટે ટુ સ્ટેટ સોલ્યુશન જરૂરી છે. પેલેસ્ટાઇન ઓથોરિટીએ સ્પષ્ટ કર્યું છે કે હમાસ સરકારમાં કોઈ દખલ કરશે નહીં. આ ઉપરાંત, તે નિઃશસ્ત્રીકરણ પણ કરશે. 2006 થી ગાઝામાં કોઈ ચૂંટણીઓ થઈ નથી, જે હવે યોજાશે.

(5:43 PM IST)