તા. ૨૦ સપ્ટેમ્બર ર૦ર૫ વિક્રમ સંવત ર૦૮૧ ભાદરવો વદ – ૧૪ શનિવાર
ચાઇનીઝ કપલને ત્યાં જન્મી ભૂખરા વાળ અને માંજરી આંખોવાળી દીકરી
ચાઇનીઝ ઝીણી આંખોને બદલે મસ્ત મોટી આંખો, ગોરી ત્વચા, ભૂખરા વાળ અને માંજરી આંખો
બીજીંગ તા.૧૦: ‘સાઉથ ચાઇના મોર્નિગ પોસ્ટ'માં પ્રકાશિત એક રિપોર્ટ મુજબ એક ચાઇનીઝ કપલને ત્યાં ત્રણ વર્ષ પહેલાં એક રશિયન છોકરીનો જન્મ થયો હતો. પતિ-પત્ની બન્ને ચાઇનીઝ હતાં, પરંતુ જન્મેલી બાળકીમાં જરાય ચાઇનીઝપણું નહોતું. મતલબ કે ચાઇનીઝ ઝીણી આંખોને બદલે મસ્ત મોટી આંખો, ગોરી ત્વચા, ભૂખરા વાળ અને માંજરી આંખો. જેમ-જેમ દીકરી મોટી થતી ગઈ એમ તેના ચહેરાનાં ફીચર્સ વધુ સ્પષ્ટ નોન-ચાઇનીઝ હોવાની ચાડી ખાતાં થઈ ગયાં. કપલને લાગ્યું કે કદાચ દીકરી હોસ્પિટલમાં બદલાઈ ગઈ હશે. સંશયના ઉકેલ માટે છોકરીની ડીઓક્સિરીબો ન્યુક્લેઇક એસિડ (DNA) ટેસ્ટ કરીને માતા-પિતાના કનેક્શનને ચેક કરવામાં આવ્યું તો એ તેમની જ દીકરી હોવાનું પુરવાર થયું હતું. આવું કઈ રીતે શક્ય બને એ સમજવા માટે તેમણે વધુ જિનેટિક હિસ્ટરીની તપાસ કરાવી તો ખબર પડી કે આ બાળકી તેમની જ છે, પરંતુ તેના પિતાના દાદાના દાદા રશિયન હોવાથી દેખાવ તેમના જેવો છે.
(9:42 AM IST)
છેલ્લા 8 દિવસમાં સૌથી લોકપ્રિય 
