લોસ ઍન્‍જલસ,તા.૦૫: અમેરિકાના લોસ ઍન્‍જલસમાં એક માણસે પોતાની પ્રેમકહાણીમાં આવેલા ટ્‍વિસ્‍ટને કઈ રીતે હેન્‍ડલ કર્યો એની વાત સોશ્‍યલ મીડિયામાં શેર કરી છે. માણસ પ્રેમમાં હોય અને લગ્ન કરે ત્‍યારે જીવનસાથી જ સબકુછ હોય. પત્‍ની સાથે પ્રેમમાં ગળાડૂબ આ ભાઈએ પોતાના બાવડા પર પત્‍નીનો ચહેરો ટેટૂ તરીકે બનાવી લીધો. જોકે બધાં લગ્નો સફળ નથી થતાં. આ ભાઈના પણ છૂટાછેડા થઈ ગયા. હવે બાવડા પર રોજ પત્‍નીનો ચહેરો જોઈને દુખી થવાનું? ના, આ ભાઈએ પત્‍નીના ચહેરાના સ્‍થાને ટેટૂ મોડિફાય કરાવીને ગોરીલાનો ચહેરો બનાવડાવી લીધો. આ બન્ને તસવીરો ભાઈએ શેર કરી છે જેમાં તલાક પહેલાં અને તલાક પછીનાં પરિવર્તનો જોઈ શકાય છે.(૪૦.૮)