ભારે કરી! આ છોકરીએ ૨૦ બોયફ્રેન્ડ બનાવ્યા, બધા પાસેથી iPhone લઈ વેચી દીધા, ગામડે મકાન લઈ લીધું
ડેટિંગને બનાવ્યું પૈસા બનાવવાની રીત
બીજીંગ તા.૨૯: ચીનની એક મહિલા શિયાઓલીની કહાની હાલમાં સોશિયલ મીડિયા પર ખૂબ ચર્ચા થઈ રહી છે. શિયાઓલીએ એક સાથે ૨૦ પુરુષો સાથે લફરું કર્યું અને તમામ પાસેથી ગિફટમાં iPhone ૭ માગ્યો. કોઈને પણ અંદાજ નહોતો કે આ ખાલી ગિફટ નહીં, પણ એક મોટી ફાઇનાન્શિયલ પ્લાનિગનો ભાગ છે. આ ઘટના ૨૦૧૬ની છે, પણ હાલમાં સોશિયલ મીડિયા પર ફરીથી વાયરલ થઈ રહી છે.
થોડા સમયમાં શિયાઓલી પાસે કુલ ૨૦ આઈફોન ભેગા થઈ ગયા. ત્યાર બાદ તેણે તમામ ૨૦ આઈફોન એક મોબાઇલ રિસાઇક્લિંગ કંપની Hui Shou Baoને વેચી દીધા. તેમાંથી તેને લગભગ ૧.૨ લાખ યુઆન (તે સમયે લગભગ ૧૪-૧૮ લાખ ડોલર) મળ્યા. તેણે આ પૈસાથી ગામમાં એક ઘર માટે ડાઉન પેમેન્ટ કરી દીધું. કંપનીએ પણ કન્ફર્મ કર્યું કે હા, એક છોકરીએ ૨૦ આઈફોન વેચ્યા હતા.
બીબીસીના એક રિપોર્ટ અનુસાર, શિયાઓલીની કહાની એક બ્લોગ પોસ્ટમાંથી સામે આવી હતી, જેમાં લખ્યું હતું કે તેના દોસ્ત અને સહકર્મી આ ચાલાક પ્લાનથી ચોંકી ગયા. સોશિયલ મીડિયા પર 20MobilesForAHouse અંતર્ગત આ કહાની ઝડપથી વાયરલ થઈ હતી અને ચીનમાં સૌથી વધારે ટ્રેન્ડ કરનારું હેશટેગ બની ગયું હતું. પોસ્ટમાં જણાવ્યું કે, જ્યારે શિયાઓલીએ પોતાના નવા ઘરને દોસ્તો અને સહકર્મીઓને દેખાડ્યું તો તમામ ચોંકી ગયા કે તેમણે આ પૈસા ક્યાંથી એકઠા કર્યા હતા.
શિયાઓલીએ ડેટિગને ખાલી સંબંધો સુધી મર્યાદિત નથી રાખી, પણ તેને પૈસા બચાવવા અને ભવિષ્યમાં રોકાણ કરવાની એક રીત બનાવી નાખી. અમુક લોકો તેને મહિલાનો સ્માર્ટ આઈડિયા અને રણનીતિ ગણાવી શકે છે, જ્યારે અમુક તેને ખોટું અને ભ્રામક રીતે કહી શકે છે.
(10:29 AM IST)
છેલ્લા 8 દિવસમાં સૌથી લોકપ્રિય 
