તા. ૨૮ નવેમ્બરે ર૦ર૫ વિક્રમ સંવત ર૦૮૨ માગશર સુદ – ૮ શુક્રવાર
સુંદર દેખાવા માટે એકસાથે કરાવી ૬ સર્જરીઃ બીજા જ દિવસે થયું મોત
વર્ષોના સપનાએ એક જ દિવસમાં લઈ લીધો જીવ!
લંડન,તા.૨૬: આજના સમયમાં સુંદર દેખાવા માટે લોકો માત્ર પૈસા જ ખર્ચ નથી કરી રહ્યા, પરંતુ પોતાના જીવને પણ જોખમમાં મૂકતા અચકાતા નથી. સારા દેખાવા માટે લોકો કોસ્મેટિક સર્જરી કરાવવા લાગ્યા છે, પરંતુ આ વાતને ગંભીરતાથી લેતા નથી કે એક ખોટું પગલું અને તેનાથી તેમના જીવને પણ ખતરો થઈ શકે છે. તાજેતરમાં બ્રાઝિલની ૫૧ વર્ષીય આંદ્રેયા વિએરા ગેસ્પારનું મૃત્યુ એકસાથે છ કોસ્મેટિક સર્જરી કરાવ્યાના થોડા કલાકો પછી થયું. કહેવાય છે કે તેણે ચહેરો અને ગરદનને યુવાન દેખાડવા માટે લાંબા સમયથી આ ઓપરેશનનું સપનું જોયું હતું અને તેના માટે ઘણા વર્ષો સુધી પૈસા પણ જમા કર્યા હતા. ડેઇલી મેલના રિપોર્ટ અનુસાર, લગભગ ૧૦ કલાક સુધી ચાલેલી આ સર્જરી પછી તેને હોસ્પિટલમાંથી રજા આપવામાં આવી, પરંતુ ઘરે પહોંચ્યાના થોડા સમય પછી તેની તબિયત બગડવા લાગી. તેના ચહેરા પર ગંભીર સોજો આવી ગયો, તેને અસહ્ય દુખાવો થવા લાગ્યો અને શ્વાસ લેવામાં પણ તકલીફ થવા લાગી. પરિવારનું કહેવું છે કે રાતભર તેની હાલત ખરાબ થતી રહી. પછી તેણે પોતાની બહેનને જણાવ્યું કે તેને એવું લાગી રહ્યું છે કે તે મરી રહી છે. આ પછી પરિવારે તરત જ ડોકટરો અને મેડિકલ ટીમ પાસેથી મદદ માંગી, પરંતુ ત્યાં સુધીમાં ઘણું મોડું થઈ ચૂક્યું હતું. રિપોર્ટ અનુસાર, આંદ્રેયાએ એકસાથે છ અલગ-અલગ કોસ્મેટિક સર્જરી કરાવી હતી. તેમાં ડીપ-પ્લેન ફેસલિફટ, ફોરહેડ લિફટ, બોની જીનિયોપ્લાસ્ટી, બ્લેફેરોપ્લાસ્ટી, ગરદનની લિપોસક્શન અને નેનોફેટ ઇન્જેક્શન શામેલ હતા. આ સમગ્ર ઓપરેશન પર લગભગ ૧૭ હજાર પાઉન્ડ એટલે કે લાખો રૂપિયા ખર્ચ થયા હતા. પરિવાર અનુસાર, તેમણે આ સર્જરી માટે લગભગ બે વર્ષ સુધી બચત કરી હતી અને તેને પોતાનું ડ્રીમ ઓપરેશન માનતી હતી.
મેડિકલ રિપોર્ટ અનુસાર, તેના મૃત્યુનું કારણ તીવ્ર થ્રોમ્બોસિસ અને પલ્મોનરી ઇન્ફાર્ક્શન જણાવવામાં આવ્યું. આનો અર્થ છે કે શરીરમાં લોહીનો ગઠ્ઠો બનવાથી ફેફસાં સુધી રક્ત અને ઓક્સિજનનો પ્રવાહ અટકી ગયો, જેનાથી ફેફસાંની પેશીઓને ગંભીર નુકસાન પહોંચ્યું. જોકે કોસ્મેટિક સર્જરી સામાન્ય રીતે સલામત માનવામાં આવે છે, પરંતુ કેટલીક પરિસ્થિતિઓમાં તે જીવલેણ પણ બની શકે છે. સર્જરી દરમિયાન અથવા પછી લોહીના ગઠ્ઠા, બ્લીડિગ, ઇન્ફેક્શન, એનેસ્થેસિયાની કોમ્પ્લિકેશન અને ફેફસાંમાં બ્લડ સર્ક્યુલેશન અટકવા જેવી સમસ્યાઓ ગંભીર ખતરો પેદા કરી શકે છે. એકસાથે ઘણી સર્જરી કરાવવાથી જોખમ વધુ વધી જાય છે, કારણ કે શરીર પર વધુ દબાણ પડે છે. જો દર્દીને પહેલાથી હૃદય, ફેફસાં અથવા અન્ય સ્વાસ્થ્ય સંબંધિત સમસ્યાઓ હોય, તો ખતરો વધી જાય છે
(2:37 PM IST)
છેલ્લા 8 દિવસમાં સૌથી લોકપ્રિય 
