<img height="1" width="1" style="display:none" src="https://www.facebook.com/tr?id=1793108690839422&ev=PageView&noscript=1" />
News of Thursday, 9th May 2024

એર ઈન્‍ડિયા એક્‍સપ્રેસ દ્વારા મોટી કાર્યવાહી : માંદગીની રજા પર જતા કર્મચારીઓ બરતરફ

મોટી સંખ્‍યામાં ક્રૂ મેમ્‍બરોએ માંદગીની રજા લેવાના કારણે એરલાઇનની ૯૦ થી વધુ ફ્‌લાઇટ્‍સ રદ કરવામાં આવી હતી

નવી દિલ્‍હી, તા.૯: એર ઈન્‍ડિયા એક્‍સપ્રેસે માંદગીની રજા લઈ રહેલા કર્મચારીઓ સામે કડક કાર્યવાહી કરી છે. એરલાઈને ૨૫ કર્મચારીઓને બરતરફ કર્યા છે. સૂત્રોએ આ માહિતી આપી છે. મોટી સંખ્‍યામાં ક્રૂ મેમ્‍બરોએ માંદગીની રજા લેવાના કારણે એરલાઇનની ૯૦ થી વધુ ફ્‌લાઇટ્‍સ રદ કરવામાં આવી હતી. સૂત્રોએ જણાવ્‍યું કે એર ઈન્‍ડિયા એક્‍સપ્રેસ એરલાઈન્‍સના લગભગ ૨૫ કર્મચારીઓને નોકરીમાંથી કાઢી મૂકવામાં આવ્‍યા છે. આ કેબિન ક્રૂ મેમ્‍બર્સ કામ પર ન આવ્‍યા જેના કારણે હજારો મુસાફરોને મુશ્‍કેલીનો સામનો કરવો પડ્‍યો. એરલાઈને બુધવારે કહ્યું હતું કે તેના ઘણા વરિષ્ઠ ક્રૂ મેમ્‍બરોએ અચાનક માંદગીની રજા લઈ લીધી છે. મંગળવારે રાત્રે શરૂ થયેલો આ સિલસિલો બુધવાર સુધી ચાલુ રહ્યો હતો. જેના કારણે એરલાઈને ૯૦થી વધુ ઈન્‍ટરનેશનલ અને ડોમેસ્‍ટિક ફ્‌લાઈટ્‍સ કેન્‍સલ કરવી પડી હતી. સિવિલ એવિએશન ઓથોરિટી આ મામલે તપાસ કરી રહી છે.

એર ઈન્‍ડિયા એક્‍સપ્રેસ એ એર ઈન્‍ડિયાની પેટાકંપની છે. એર ઈન્‍ડિયા એક્‍સપ્રેસ એપ્રિલ ૨૦૦૫માં શરૂ કરવામાં આવી હતી. તે દિલ્‍હી, મુંબઈ, ત્રિવેન્‍દ્રમ અને કોચીથી ગલ્‍ફ દેશોની ફ્‌લાઈટ્‍સનું સંચાલન કરે છે. એર ઈન્‍ડિયાને ટાટા ગ્રુપે થોડા વર્ષો પહેલા ખરીદી હતી. એર ઈન્‍ડિયા એક્‍સપ્રેસમાં સંકટ એવા સમયે ઘેરાયેલું છે જ્‍યારે AIX કનેક્‍ટ (AirAsia India) સાથે તેના વિલીનીકરણની પ્રક્રિયા ચાલી રહી છે. બુધવારે મોટી સંખ્‍યામાં ક્રૂ મેમ્‍બર્સ અચાનક માંદગીની રજા પર ગયા બાદ દિલ્‍હી એરપોર્ટ પર અરાજકતાનું વાતાવરણ હતું. એર ઈન્‍ડિયા એક્‍સપ્રેસે છેલ્લી ઘડીએ ગોવા, ગુવાહાટી અને શ્રીનગરની ફ્‌લાઈટ રદ કરી હતી. મુસાફરોએ ફરિયાદ કરી હતી કે તેમને એરપોર્ટ પહોંચ્‍યા પછી જ આ વિશે ખબર પડી હતી.

એરલાઇન સેક્‍ટરની ખરાબ હાલત

એર ઈન્‍ડિયા એક્‍સપ્રેસ ફ્‌લાઈટ્‍સ રદ થવાને કારણે દેશભરમાં લગભગ ૧૩,૦૦૦ મુસાફરોને અસર થઈ હતી. એર ઈન્‍ડિયા એક્‍સપ્રેસ દરરોજ ૩૫૦ થી ૪૦૦ ફ્‌લાઈટ્‍સ ઓપરેટ કરે છે. જેમાંથી ૨૫૦ આંતરરાષ્‍ટ્રીય અને ૧૨૦ ડોમેસ્‍ટિક ફ્‌લાઈટ્‍સ છે. આ સંકટને ધ્‍યાનમાં રાખીને, કંપનીએ ૧૩ મે સુધી ૪૦ ફ્‌લાઇટ્‍સ ઘટાડવાની જાહેરાત કરી છે. પીક સીઝન દરમિયાન એર ઈન્‍ડિયા એક્‍સપ્રેસ ફ્‌લાઈટ્‍સ રદ થવાને કારણે એરલાઈન સેક્‍ટર પર દબાણ વધ્‍યું છે. એન્‍જિનની સમસ્‍યાને કારણે ઈન્‍ડિગોના ૭૫ એરક્રાફ્‌ટ ટેક ઓફ કરી શકતા નથી. ગોએર બંધ છે જ્‍યારે સ્‍પાઈસ જેટની ઘણી ફ્‌લાઈટ્‍સ પણ બંધ છે. એરબસ અને બોઇંગ તરફથી નવા એરક્રાફ્‌ટની ડિલિવરીની ગતિ પણ ધીમી પડી છે.

જલેબી બાબા તંત્ર મંત્રના નામે મહિલાઓને નશો ખવડાવીને બળાત્‍કાર કરતા હતા. જલેબી બાબા પર ૧૨૦ મહિલાઓ પર બળાત્‍કારનો આરોપ છે. તેના આશ્રમમાંથી ૩૦થી વધુ સેક્‍સ સીડી પણ મળી આવી હતી. જલેબી બાબા મહિલાઓના અશ્‍લીલ વીડિયો બનાવીને બ્‍લેકમેલ પણ કરતા હતા. જુલાઈ ૨૦૧૮ માં, ફતેહાબાદ જિલ્લા ટોહાનામાં એક વીડિયો વાયરલ થયો હતો, જેમાં બળાત્‍કારી જલેબી બાબા ઉર્ફે બિલ્લુરામ ઉર્ફે અમરપુરી એક મહિલા સાથે સેક્‍સ કરતો જોવા મળ્‍યો હતો.

વીડિયો વાયરલ થયા બાદ ટોહાનાના લોકોમાં વિરોધ થયો હતો અને બાબા વિરુદ્ધ પ્રદર્શન પણ કરવામાં આવ્‍યું હતું. આ પછી, દબાણમાં આવીને, ટોહાના પોલીસે ૧૯ જુલાઈ ૨૦૧૮ ના રોજ ટોહાનાના તત્‍કાલીન શહેર પોલીસ સ્‍ટેશનના પ્રભારી પ્રદીપ કુમારની ફરિયાદ પર બાબા વિરુદ્ધ કેસ નોંધ્‍યો, ત્‍યારબાદ તેની પણ ધરપકડ કરવામાં આવી. પોલીસે ૧ નવેમ્‍બર ૨૦૨૦ના રોજ કોર્ટમાં બાબા વિરુદ્ધ ૨૦૦ પાનાની ચાર્જશીટ રજૂ કરી હતી. આ સમયગાળા દરમિયાન, ૨૦ જુબાનીઓ હતી, જેમાં સગીર પીડિતા, મહિલાઓ, પોલીસ અધિકારીઓ અને FSL અધિકારીઓના નિવેદનો પણ કોર્ટમાં નોંધવામાં આવ્‍યા હતા.

જલેબી બાબાના રૂમમાંથી અફીણ મળી આવ્‍યું હતું NDPS એક્‍ટ હેઠળ ફતેહાબાદની સેશન્‍સ કોર્ટમાં જ નહીં પરંતુ ટોહાના કોર્ટમાં પણ બળાત્‍કારી જલેબી બાબા વિરુદ્ધ કેસ નોંધાયેલ છે. જ્‍યારે બાબાના આશ્રમના રૂમની તપાસ કરવામાં આવી તો ત્‍યાંથી અફીણ મળી આવ્‍યું. આ મામલે ટોહાનામાં બાબા વિરુદ્ધ NDPS એક્‍ટ હેઠળ કેસ નોંધવામાં આવ્‍યો હતો.

(10:54 AM IST)