તા. ૨૧ નવેમ્બર ર૦ર૬ વિક્રમ સંવત ર૦૮૩ કારતક સુદ – ૧૨ શનિવાર
News of Thursday, 9th May 2024
ભારતની લોકસભા ચૂંટણીમાં હસ્તક્ષેપ કરી રહ્યું છે અમેરીકા
રશિયાએ કર્યો દાવો : રાજકીય માહોલને ખલેલ પહોચાડી રહ્યું છે

નવી દિલ્હી તા. ૯ : ભારતમાં ચાલી રહેલી લોકસભાની ચૂંટણી વચ્ચે રશિયાએ એક સનસનીખેજ દાવો કર્યો છે. રશિયાએ દાવો કર્યો છે કે અમેરિકા ભારતની ચૂંટણીમાં હસ્તક્ષેપ કરવાનો પ્રયાસ કરી રહ્યું છે અને એક દેશ તરીકે તેનું સન્માન પણ નથી કરી રહ્યું. રશિયાના વિદેશ મંત્રાલયના પ્રવકતા મારિયા ઝખારોવાએ આરોપ લગાવ્યો છે કે અમેરિકા ભારતમાં આંતરિક રાજકીય પરિસ્થિતિને અસંતુલિત કરવા અને સામાન્ય ચૂંટણીઓને જટિલ બનાવવાનો પ્રયાસ કરી રહ્યું છે. એટલું જ નહીં, રશિયાએ પન્નુ કેસમાં અમેરિકાને ઠપકો આપ્યો અને ભારતને એમ કહીને ટેકો આપ્યો કે તેણે હજુ સુધી આરોપો પર એક પણ પુરાવો રજૂ કર્યો નથી.
પ્રવકતા મારિયા ઝખારોવાએ કહ્યું, 'વોશિંગ્ટનમાં ભારતની રાષ્ટ્રીય માનસિકતા અને ઈતિહાસની સરળ સમજણ નથી કારણ કે અમેરિકા ધાર્મિક સ્વતંત્રતા અંગે પાયાવિહોણા આરોપો લગાવવાનું ચાલુ રાખે છે. વોશિંગ્ટનની કાર્યવાહી સ્પષ્ટપણે ભારતની આંતરિક બાબતોમાં હસ્તક્ષેપ છે. જયાં સુધી અટકળોનો સંબંધ છે, કારણ કે કોઈ પુરાવા નથી, તે સ્વીકાર્ય નથી. અમેરિકા ભારતને એક દેશ તરીકે માન આપી રહ્યું નથી.
આ સાથે જ રશિયાએ ખાલિસ્તાની આતંકવાદી ગુરપતવંત સિંહ પન્નુની હત્યાના કાવતરાના આરોપમાં ભારતનું સમર્થન કર્યું છે. પન્નુની હત્યાના કાવતરામાં ભારતીય અધિકારીઓની સંડોવણી હોવાના અમેરિકાના દાવાને રશિયાએ ફગાવી દીધો અને કહ્યું કે, પન્નુની હત્યાના ષડયંત્રમાં ગુરપતવંત સિંહ સામેલ હતો તે સાબિત કરવા માટે વોશિંગ્ટને હજુ સુધી કોઈ વિશ્વસનીય માહિતી કે પુરાવા આપ્યા નથી.
રશિયાએ અન્ય ઘણા દેશો પર ખોટા આરોપો લગાવવા બદલ અમેરિકાની ટીકા કરી છે. પ્રવકતા મારિયાએ કહ્યું, 'આંતરરાષ્ટ્રીય અને રાષ્ટ્રીય બાબતોમાં વોશિંગ્ટન કરતાં વધુ દમનકારી શાસનની કલ્પના કરવી મુશ્કેલ છે. ગયા વર્ષે નવેમ્બરમાં, યુએસ ફેડરલ પ્રોસિકયુટર્સે ભારતીય નાગરિક નિખિલ ગુપ્તા પર ગુરપતવંત સિંહ પન્નુની હત્યાના નિષ્ફળ કાવતરામાં ભારતીય સરકારી કર્મચારી સાથે કામ કરવાનો આરોપ મૂકયો હતો. આતંકવાદના આરોપમાં ભારતમાં વોન્ટેડ પન્નુ અમેરિકા અને કેનેડાની બેવડી નાગરિકતા ધરાવે છે. તેને કેન્દ્રીય ગૃહ મંત્રાલય દ્વારા આતંકવાદ વિરોધી કાયદા ગેરકાયદેસર પ્રવૃત્ત્િ।ઓ (નિવારણ) અધિનિયમ હેઠળ આતંકવાદી તરીકે નિયુકત કરવામાં આવ્યો છે.
હકીકતમાં, અમેરિકન અખબાર 'ધ વોશિંગ્ટન પોસ્ટ'એ અજાણ્યા સ્ત્રોતોને ટાંકીને ખાલિસ્તાની આતંકવાદી પન્નુની હત્યાના કથિત કાવતરાના સંબંધમાં રિસર્ચ એન્ડ એનાલિસિસ વિંગના એક અધિકારીનું નામ આપ્યું હતું. અહેવાલમાં દાવો કરવામાં આવ્યો હતો કે RAW અધિકારી વિક્રમ યાદવે ગુરપતવંત સિંહ પન્નુને 'પ્રાથમિક લક્ષ્ય' તરીકે ઓળખાવ્યા હતા અને ઓપરેશન હાથ ધરવા માટે 'હિટ ટીમ'નો સમાવેશ કર્યો હતો. જો કે ભારતે આ આરોપોને ફગાવી દીધા છે. રિપોર્ટ બાદ ભારતે આરોપોની તપાસ માટે એક ઉચ્ચ સ્તરીય સમિતિની રચના કરી હતી. અમેરિકાએ કહ્યું હતું કે તે આ મુદ્દે ભારતીય તપાસના પરિણામોની રાહ જોઈ રહ્યું છે
(4:07 PM IST)









છેલ્લા 8 દિવસમાં સૌથી લોકપ્રિય 
