તા. ૨૧ નવેમ્બર ર૦ર૬ વિક્રમ સંવત ર૦૮૩ કારતક સુદ – ૧૨ શનિવાર
News of Thursday, 9th May 2024
BRS નેતા કે. કવિતાની દિલ્હી એક્સાઈઝ કેસમાં હાઈકોર્ટમાં જામીન માટે અરજી :કાલે સુનાવણી
ટ્રાયલ કોર્ટે તેની જામીન અરજી ફગાવી દેતા કવિતાએ ટ્રાયલ કોર્ટના આદેશ સામે દિલ્હી હાઈકોર્ટના દ્વાર ખટખટાવ્યા

નવી દિલ્હી :BRS નેતા કે. કવિતાએ કથિત એક્સાઇઝ પોલિસી કૌભાંડના સંબંધમાં એન્ફોર્સમેન્ટ ડિરેક્ટોરેટ (ED) દ્વારા તપાસ કરવામાં આવી રહેલા મની લોન્ડરિંગ કેસમાં જામીન મેળવવા માટે દિલ્હી હાઇકોર્ટનો સંપર્ક કર્યો હતો. જસ્ટિસ સ્વર્ણકાંત શર્મા શુક્રવારે આ કેસની સુનાવણી કરવાના છે. કવિતાએ ટ્રાયલ કોર્ટના 6 મેના આદેશને પડકાર્યો છે, જેના દ્વારા મની લોન્ડરિંગ કેસમાં તેની જામીન અરજી ફગાવી દેવામાં આવી હતી અને તેની ન્યાયિક કસ્ટડી 14 મે સુધી લંબાવવામાં આવી હતી
બીજી તરફ, સત્તાવાર સૂત્રોએ ગુરુવારે દાવો કર્યો હતો કે ED ટૂંક સમયમાં મની લોન્ડરિંગ કેસમાં નવી ચાર્જશીટ દાખલ કરી શકે છે અને તેમાં મુખ્યમંત્રી અરવિંદ કેજરીવાલ, કવિતા અને અન્ય કેટલાકને આરોપી બનાવવામાં આવી શકે છે.
તપાસ એજન્સીએ મની લોન્ડરિંગ નિવારણ અધિનિયમ (PMLA) હેઠળ 21 માર્ચે કેજરીવાલની નવી દિલ્હીમાં તેમના સત્તાવાર નિવાસસ્થાનથી ધરપકડ કરી હતી, જ્યારે તેલંગાણાના ભૂતપૂર્વ મુખ્ય પ્રધાન કે ચંદ્રશેખર રાવની પુત્રી કવિતાને 15 માર્ચે હૈદરાબાદથી અટકાયતમાં લેવામાં આવી હતી.
(11:23 PM IST)









છેલ્લા 8 દિવસમાં સૌથી લોકપ્રિય 
