તા. ૨૧ નવેમ્બર ર૦ર૬ વિક્રમ સંવત ર૦૮૩ કારતક સુદ – ૧૨ શનિવાર
News of Sunday, 12th May 2024
કોહલી ચોગ્ગા-છગ્ગા ફટકારી ઈશાંતને ચીડતો હતો: તેના ભાઈએ વિકેટ લઈને તેને પેવેલિયનનો રસ્તો બતાવ્યો
. કોહલી અને ઈશાંત શર્મા વચ્ચેની મજાકની પળો સોશિયલ મીડિયા પર વાયરલ;જુઓ વિડિઓ

IPL 2024માં 62મી મેચ દિલ્હી કેપિટલ્સ અને રોયલ ચેલેન્જર્સ બેંગ્લોર વચ્ચે રમાઈ રહી છે. મેચ દરમિયાન બાળપણના મિત્રો એટલે કે કોહલી અને ઈશાંત શર્મા વચ્ચેની મજાકની પળો સોશિયલ મીડિયા પર વાયરલ થઈ રહી છે.
મેચ દરમિયાન વિરાટ કોહલીની ટીમ પ્રથમ બેટિંગ કરવા ઉતરી હતી. વિરાટ કોહલી ઈશાંત શર્માના બોલ પર ચોગ્ગા અને છગ્ગા ફટકારી રહ્યો હતો અને તેના બેસ્ટ ફ્રેન્ડને ચીડતો હતો. ત્યારબાદ ઈશાંત શર્માએ પણ તેની વિકેટ લઈને તેને પેવેલિયનનો રસ્તો બતાવ્યો હતો
આરસીબી તરફથી વિરાટ કોહલી અને ફાફ ડુ પ્લેસિસે ટીમને શાનદાર શરૂઆત અપાવવાનો પ્રયાસ કર્યો હતો. પરંતુ શર્માજીના પુત્રએ વિરાટ કોહલીને પેવેલિયન મોકલીને આરસીબીની ગતિ રોકી દીધી હતી. કોહલી 13 બોલમાં એક ફોર અને ત્રણ સિક્સરની મદદથી માત્ર 27 રન જ બનાવી શક્યો હતો. ઈશાંતે ઓફ સ્ટમ્પની બહાર એક લેન્થ બોલ ફેંક્યો, જેના પર કોહલીએ બેટ બ્લોક કરી દીધું અને વિકેટકીપર અભિષેક પોરેલના હાથે કેચ થયો.
કોહલીના આઉટ થતાં જ આખું ચિન્નાસ્વામી સ્ટેડિયમ શાંત થઈ ગયું હતું. પરંતુ કોહલી અને ઈશાંત શર્મા સ્ટેડિયમમાં એકબીજાની વચ્ચે હસતા જોવા મળ્યા હતા. વાસ્તવમાં થયું એવું કે વિરાટ કોહલીએ ચોથી ઓવરના પહેલા બોલ પર ચોગ્ગો માર્યો અને પછીના જ બોલ પર સિક્સર ફટકારી. પરંતુ માત્ર બે બોલ બાદ વિરાટ કોહલી ઈશાંત શર્માના બોલ પર દિલ્હીના વિકેટકીપર અભિષેક પોરૈલના હાથે કેચ આઉટ થઈ ગયો હતો.
વિરાટ કોહલીને આઉટ કર્યા બાદ ઈશાંત શર્માની ખુશીનો કોઈ પાર ન રહ્યો. મિત્રને ચીડવવાનો મોકો મળે એનાથી વધુ ખુશી શું હોઈ શકે? ઈશાંતે તક ગુમાવી નહીં અને વિરાટ પાસે પહોંચી ગયો. તેણે વિરાટ કોહલીને ધક્કો માર્યો. વિરાટ કોહલી, જેઓ અન્યને આંખ મારતો હતો, ધક્કો માર્યા પછી પણ નીચે જોતો રહ્યો અને હસતો હસતો પેવેલિયન પાછો ફર્યો.
આઉટ થતા પહેલા વિરાટ કોહલીએ ઈશાંત શર્માને પણ ચીડવ્યો હતો. વિરાટે પ્રથમ ઓવરના છેલ્લા બોલ પર ઈશાંત સામે સિક્સર ફટકારી હતી. જે ઓવરમાં એક ફોર અને એક સિક્સર ફટકારી હતી જે આઉટ થયો હતો. એ જ ઓવરમાં જ્યારે કોહલીએ સિક્સર ફટકારી ત્યારે તે ઈશાંત તરફ ઈશારો કરી રહ્યો હતો. પરંતુ અંતે ઈશાંત શર્માની જીત થઈ અને તેણે કોહલીને આઉટ કર્યો.
( IST)









છેલ્લા 8 દિવસમાં સૌથી લોકપ્રિય 
