News of Tuesday, 14th May 2024
ચાબહાર કરાર પર પાકિસ્તાન-ચીનની સાથે અમેરિકાના પેટમાં કેમ રેડાયું તેલ ? : વિદેશી ધરતી પર ભારતનો વાગશે ડંકો
ઈરાનમાં સ્થિત ચાબહાર પોર્ટની કમાન હવે 10 વર્ષ માટે ભારતને સોંપાઈ:આ સમજૂતી બાદ પાકિસ્તાન અને ચીનની બેચેની વધી ગઈ.

નવી દિલ્હી :સોમવાર ભારત માટે ખૂબ જ ઐતિહાસિક દિવસ હતો. એક તરફ ચૂંટણીની મોસમના ચોથા તબક્કા માટે મતદાન થયું, તો બીજી તરફ દેશે ઈરાન સાથે આંતરરાષ્ટ્રીય સ્તરે મહત્વના કરાર પર હસ્તાક્ષર કર્યા હતા
હવે ઈરાનનું સૌથી મહત્વપૂર્ણ બંદર ચાબહાર 10 વર્ષ સુધી ભારતની જવાબદારીમાં રહેશે. ઈરાન અને ભારત વચ્ચેની આ ડીલને લઈને અમેરિકા, પાકિસ્તાન અને ચીન તરફથી પ્રતિક્રિયા આવી છે. અમેરિકાએ ભારત પર પ્રતિબંધ લાદવાની ધમકી પણ આપી છે. તો ચાલો આપણે મુદ્દાઓમાં સમજીએ કે આ ડીલ શા માટે ભારત માટે મહત્વપૂર્ણ છે અને તે અન્ય દેશોને વેપાર કરવામાં કેવી રીતે મદદ કરશે
ચાબહાર પોર્ટ કરાર ભારત માટે શા માટે મહત્વપૂર્ણ છે?
ભારતે ચાબહારના વ્યૂહાત્મક ઈરાની બંદરનું સંચાલન કરવા માટે 10 વર્ષના કરાર પર હસ્તાક્ષર કર્યા.
તેનો ઉદ્દેશ મધ્ય એશિયા સાથે વિસ્તૃત વેપારને સરળ બનાવવાનો છે. અફઘાનિસ્તાન અને મધ્ય એશિયા સુધી પહોંચવા માટે ભારતને નવો માર્ગ મળશે. આવી સ્થિતિમાં ભારતને પાકિસ્તાનની જરૂર નહીં પડે, અત્યાર સુધી આ દેશો સુધી પહોંચવાનો રસ્તો પાકિસ્તાન થઈને જ હતો.
ડીલ હેઠળ, ભારતીય કંપની ઈન્ડિયા પોર્ટ્સ ગ્લોબલ લિમિટેડ ચાબહાર પોર્ટમાં $120 મિલિયનનું રોકાણ કરશે.
આ બંદર વેપાર અને રોકાણની તકો ખોલશે અને ભારતના આર્થિક વિકાસને વેગ આપશે
. શું પાકિસ્તાન અને ચીનની મુશ્કેલીઓ વધશે?
ઈતિહાસમાં આવું પહેલીવાર બન્યું છે જ્યારે ભારતે વિદેશમાં કોઈ પોર્ટનું સંચાલન સંભાળ્યું હોય.
આ પોર્ટ પાકિસ્તાનના ગ્વાદર પોર્ટ અને ચીનના બેલ્ટ એન્ડ રોડ ઈનિશિએટિવ માટે બેચેની વધારશે.
ચાબહાર પોર્ટ પાકિસ્તાન અને ચીનનો મુકાબલો કરીને ભારત માટે મહત્વપૂર્ણ કનેક્ટિવિટી લિંક તરીકે કામ કરશે.
ચાબહાર બંદરથી કંડલા પોર્ટનું અંતર કેટલું છે?
જાણકારી માટે તમને જણાવી દઈએ કે ગુજરાતમાં કંડલા પોર્ટ ચાબહાર પોર્ટની સૌથી નજીક છે, જેનું અંતર 550 નોટિકલ માઈલ છે, જ્યારે ચાબહાર અને મુંબઈ વચ્ચેનું અંતર 786 નોટિકલ માઈલ છે.
ચાબહાર પોર્ટથી શું ફાયદો થશે?
કઝાકિસ્તાન અને ઉઝબેકિસ્તાન જેવા સંસાધનથી સમૃદ્ધ મધ્ય એશિયાઈ દેશો લેન્ડલોક છે.
આ દેશોને હિંદ મહાસાગર ક્ષેત્ર અને ભારતીય બજારમાં પ્રવેશ મેળવવા માટે ચાબહારથી ફાયદો થશે.
વધુમાં, આ બંદર મધ્ય એશિયામાં તકો જોઈ રહેલા ભારતીય ઉદ્યોગપતિઓ અને રોકાણકારો માટે આકર્ષણનું કેન્દ્ર બનશે. .
(8:04 PM IST)









છેલ્લા 8 દિવસમાં સૌથી લોકપ્રિય 
