તા. ૨૧ નવેમ્બર ર૦ર૬ વિક્રમ સંવત ર૦૮૩ કારતક સુદ – ૧૨ શનિવાર
News of Monday, 20th May 2024
૪૯ બેઠકો.. ૬૯૫ ઉમેદવારો.. ૯ કરોડ મતદાતા પાંચમા તબક્કાના મતદાનનો પ્રારંભ
મૂંબઈમાં મતદાન કેન્દ્રો પર બોલીવુડ સિતારાઓનો જમાવડો : રાહુલ ગાંધી, સ્મૃતિ ઈરાની, રાજનાથસિંહ સહિત અનેક દિગ્ગજોનું ભાવિ ઇવીએમમા કેદ થશે : વડાપ્રધાને મતદાનની કરી અપીલ : સવારથી જ લાંબી લાઈનો : નેતાઓએ પરિવાર સાથે કર્યું મતદાન

નવી દિલ્હી તા. ૨૦ : લોકસભા ચૂંટણી ૨૦૨૪ના પાંચમા તબક્કામાં આઠ રાજયો અને કેન્દ્રશાસિત પ્રદેશોની ૪૯ બેઠકો પર આજે મતદાનનો પ્રારંભ થયો છે. ૫માં તબક્કાના મતદાનની સૌથી મહત્વની વાત એ છે કે તે રાજનાથ સિંહ અને સ્મૃતિ ઈરાની અને કોંગ્રેસ નેતા રાહુલ ગાંધી સહિત ચાર કેન્દ્રીય મંત્રીઓના ભાવિનો નિર્ણય કરશે. લખનૌ પૂર્વ વિધાનસભા ક્ષેત્રની વિધાનસભા પેટાચૂંટણી માટે પણ આજે મતદાન થઈ રહ્યું છે. પીએમ મોદીએ ટ્વીટ કર્યું કે, ‘લોકસભા ચૂંટણીના પાંચમા તબક્કામાં આજે ૮ રાજયો અને કેન્દ્રશાસિત પ્રદેશોની ૪૯ બેઠકો માટે મતદાન થશે. હું આ તબક્કાના તમામ મતદારોને વિનંતી કરું છું કે તેઓ પોતાનો મત આપે અને મતદાનનો નવો રેકોર્ડ બનાવે. લોકશાહીના આ પર્વમાં ઉત્સાહપૂર્વક ભાગ લેવા મહિલાઓ અને યુવા મતદારોને મારી ખાસ અપીલ છે. આ તબક્કામાં ઉત્તર પ્રદેશની ૧૪, મહારાષ્ટ્રની ૧૩, પヘમિ બંગાળની સાત, ઓડિશાની પાંચ, બિહારની પાંચ, ઝારખંડની ત્રણ, જમ્મુ-કાશ્મીરની એક અને લદ્દાખની એક બેઠક પર મતદાન થઈ રહ્યું છે. મૂંબઈમાં મતદાન કરવા માટે બોલીવુડ સિતારાઓ ઉમટી પડ્યા છે. પીઢ અભિનેત્રી શોભા ખોટે, અક્ષય કુમાર, જાનવી કપૂર, રાજકુમાર રાવ, ફરહાન અખતર સહિત અનેક બોલીવૂડ હસ્તીઓએ મતદાન કર્યું.
આ તબક્કામાં ઉત્તર પ્રદેશની ૧૪, મહારાષ્ટ્રની ૧૩, પヘમિ બંગાળની સાત, ઓડિશાની પાંચ, બિહારની પાંચ, ઝારખંડની ત્રણ, જમ્મુ-કાશ્મીરની એક અને લદ્દાખની એક બેઠક પર મતદાન થઈ રહ્યું છે. આ તબક્કામાં સંરક્ષણ મંત્રી રાજનાથ સિંહ, સ્મૃતિ ઈરાની, રાહુલ ગાંધી, ચિરાગ પાસવાન, રાજીવ પ્રતાપ રૂડી, રોહિણી આચાર્ય, ઓમર અબ્દુલ્લા અને પીયૂષ ગોયલ જેવા વરિષ્ઠ નેતાઓનો સમાવેશ થાય છે કે જેમના વિસ્તારોમાં મતદાન થઈ રહ્યું છે.
આ તબક્કામાં ૬૯૫ ઉમેદવારોનું ભાવિ ઈવીએમમાં કેદ થશે. તેમાંથી સૌથી વધુ ૨૬૪ ઉમેદવારો મહારાષ્ટ્રના છે. જયાં તમામ ૧૩ બેઠકો પર ચૂંટણી થવાની છે. બીજા ક્રમે ઉત્તર પ્રદેશની કુલ ૧૪ બેઠકો પર ૧૪૪ ઉમેદવારો ચૂંટણી લડી રહ્યા છે. લદ્દાખની એક સીટ પરથી ઓછામાં ઓછા ત્રણ ઉમેદવારો ચૂંટણી લડ્યા છે.
એસોસિએશન ફોર ડેમોક્રેટિક રિફોર્મ્સ (એડીઆર) એ પાંચમા તબક્કામાં ચૂંટણી લડી રહેલા તમામ ૬૯૫ ઉમેદવારોના એફિડેવિટ પર એક રિપોર્ટ જાહેર કર્યો છે. આ રિપોર્ટ અનુસાર, ૬૯૫ ઉમેદવારોમાંથી ૧૫૯ (૨૩%) ઉમેદવારો કલંકિત છે. આ કેસોમાં અલગ-અલગ કેસ ચાલી રહ્યા છે. તે જ સમયે, ૨૨૭ ઉમેદવારો એવા છે જેમણે પોતાને કરોડપતિ જાહેર કર્યા છે. પાંચમા તબક્કામાં દરેક ઉમેદવાર પાસે સરેરાશ ૩.૫૬ કરોડ રૂપિયાની સંપત્તિ છે. NCP (શરદ જૂથ)ના બે ઉમેદવારો પાસે સૌથી વધુ સરેરાશ સંપત્તિ રૂ. ૫૪.૬૪ કરોડ છે.
પાંચમા તબક્કામાં સૌથી વધુ સંપત્તિ જાહેર કરનાર ઉમેદવાર અનુરાગ શર્મા છે. ઉત્તર પ્રદેશના ઝાંસીથી ભાજપના ઉમેદવારે કુલ ૨૧૨ કરોડ રૂપિયાની સંપત્તિ જાહેર કરી છે. આ મામલે અપક્ષ નિલેશ ભગવાન સાંભરે બીજા ક્રમે છે. મહારાષ્ટ્રની ભિવંડી સીટ પરથી ચૂંટણી લડી રહેલા સાંભરેએ પોતાના સોગંદનામામાં ૧૧૬ કરોડ રૂપિયાની સંપત્તિ જાહેર કરી છે. ત્રીજા સૌથી અમીર ઉમેદવાર કેન્દ્રીય મંત્રી અને ભાજપના ઉમેદવાર પીયૂષ ગોયલ છે. મહારાષ્ટ્રની ઉત્તર મુંબઈ બેઠક પરથી ચૂંટણી લડી રહેલા ગોયલ પાસે ૧૧૦ કરોડ રૂપિયાની સંપત્તિ છે.
આયોગ દ્વારા જારી કરાયેલા રીલીઝ મુજબ ૮ રાજયો/કેન્દ્રશાસિત પ્રદેશોમાં કુલ ૪૯ લોકસભા મતવિસ્તારોમાં ૮.૯૫ કરોડ મતદારો ૯૪,૭૩૨ મતદાન મથકો પર મતદાન કરશે. આ લોકો ૬૯૫ ઉમેદવારોના ભાવિનો નિર્ણય કરી શકશે. જેમાં ૪.૬૯ કરોડ પુરૂષો, ૪.૨૬ કરોડ મહિલાઓ અને ૫૪૦૯ ટ્રાન્સજેન્ડર મતદારોનો સમાવેશ થાય છે. આ તબક્કામાં ૪૯ સંસદીય બેઠકોમાંથી ૩૯ સામાન્ય શ્રેણી, ૩ અનુસૂચિત જનજાતિ અને ૭ અનુસૂચિત જાતિ બેઠકો છે. ઓડિશા વિધાનસભાની ૩૫ બેઠકોમાંથી સામાન્ય વર્ગ માટે ૨૧, અનુસૂચિત જનજાતિ માટે ૮ અને અનુસૂચિત જાતિ માટે ૬ બેઠકો છે.
આ તબક્કામાં દિગ્ગજનોની વાત કરીએ તો ઉમેદવારોમાં સંરક્ષણ પ્રધાન રાજનાથસિંહ, ભૂતપૂર્વ કોંગ્રેસ અધ્યક્ષ રાહુલ ગાંધી, કેન્દ્રીય પ્રધાન સ્મૃતિ ઈરાની, જમ્મુ-કાશ્મીરના ભૂતપૂર્વ મુખ્ય પ્રધાન ઓમર અબ્દુલ્લા, લોક જનશક્તિ પાર્ટી (રામ વિલાસ)ના ચિરાગ પાસવાન, કેન્દ્રીય પ્રધાન પીયૂષ ગોયલ, સાધ્વી નિરંજનનો સમાવેશ થાય છે. જયોતિ, કૌશલ કિશોર, ડાઙ્ઘ. પ્રવીણ ભારતી પવાર, શાંતનુ ઠાકુર, કપિલ પાટીલ, અન્નપૂર્ણા દેવી, ભાજપ નેતા રાજીવ પ્રતાપ રૂડી અને રાષ્ટ્રીય જનતા દળના રોહિણી આચાર્યનો સમાવેશ થાય છે. લોકસભા ચૂંટણીના ૫માં તબક્કામાં સોમવારે ઉત્તર પ્રદેશની ૧૪ બેઠકો પર મતદાન થશે. જમ્મુ અને કાશ્મીરના કેન્દ્રશાસિત પ્રદેશમાં બારામુલ્લા અને લદ્દાખની એકમાત્ર સંસદીય બેઠક માટે મતદાન થશે. બિહારમાં જે ૫ સીટો માટે ચૂંટણી યોજાવાની છે તેમાં મધુબની, સીતામઢી, સારણ, મુઝફફરપુર અને હાજીપુર લોકસભા સીટનો સમાવેશ થાય છે. આ ઉપરાંત ઓડિશામાં બારગઢ, સુંદરગઢ, બોલાંગીર, કંધમાલ અને આસ્કા, ઝારખંડમાં ચતરા, કોડરમા અને હજારીબાગ, તેમજ પશ્ચિમ બંગાળમાં બાણગાંવ, બેરકપુર, હાવડા, ઉલુબેરિયા, શ્રીરામપુર, હુગલી અને આરામબાગ છે.
(10:45 AM IST)









છેલ્લા 8 દિવસમાં સૌથી લોકપ્રિય 
