<img height="1" width="1" style="display:none" src="https://www.facebook.com/tr?id=1793108690839422&ev=PageView&noscript=1" />
News of Monday, 20th May 2024

મોબાઇલ કંપનીના બોસે પોતાના હેલ્‍થ ચેકઅપ માટે માણસને મોકલી દીધો

નવલકિશોર રામ નામના આ માણસની પણ પોલીસે ધરપકડ કરી

નવી દિલ્‍હી તા. ૨૦ : બોસ પોતાનાં કામ તેના કર્મચારીના માથે નાખે એવું ઘણી ઓફિસમાં બનતું હોય છે, પણ લાવા ઇન્‍ટરનેશનલ મોબાઇલ કંપનીનો કિસ્‍સો અનોખો છે. આ કંપનીના  મેનેજિંગ ડિરેક્‍ટર હરિઓમ રાય સામે એન્‍ફોર્સમેન્‍ટ ડિરેક્‍ટરેટનો કેસ ચાલી રહ્યો છે.

રાયે ધરપકડથી બચવા માટે હાર્ટની ગંભીર બીમારીનું બહાનું આગળ કર્યું હતું એટલું જ નહીં, એ માટેના જરૂરી મેડિકલ ડોક્‍યુમેન્‍ટ્‍સ પણ રજૂ કર્યા હતા. જોકે એમ છતાં રાયની ધરપકડ થઈ અને હવે તેમને જુડિશ્‍યલ કસ્‍ટડીમાં મોકલવામાં આવ્‍યા છે. કારણ એ છે કે હાર્ટના મેડિકલ ચેકઅપ માટે હરિઓમ રાયે જાતે હોસ્‍પિટલ જવાને બદલે પોતાનો માણસ મોકલી દીધો હતો. નવલકિશોર રામ નામના આ માણસની પણ પોલીસે અરેસ્‍ટ કરી છે. ઇડીએ કોર્ટમાં સુનાવણી દરમ્‍યાન આ વાતનો ઘટસ્‍ફોટ કર્યો હતો. એ પછી કોર્ટે તેમને કસ્‍ટડીમાં લેવાનો આદેશ આપ્‍યો હતો. રાય સામે મની લોન્‍ડરિંગનો કેસ ચાલી રહ્યો છે

(12:47 PM IST)