<img height="1" width="1" style="display:none" src="https://www.facebook.com/tr?id=1793108690839422&ev=PageView&noscript=1" />
News of Monday, 20th May 2024

સાંજે 5 વાગ્યા સુધી 57 ટકા મતદાન :બારામુલ્લામાં તમામ રેકોર્ડ તૂટ્યા : લદ્દાખમાં પણ બમ્પર મતદાન

સાંજે 5 વાગ્યા સુધી પશ્ચિમ બંગાળ અને ઝારખંડમાં સૌથી વધુ મતદાન થયું

નવી દિલ્હી : સાત તબક્કામાં યોજાનારી લોકસભા ચૂંટણી 2024ના પાંચમા તબક્કામાં આજે આઠ રાજ્યો અને કેન્દ્રશાસિત પ્રદેશોની 49 બેઠકો પર મતદાન થઈ રહ્યું છે. આ તબક્કામાં ઉત્તર પ્રદેશની 14, મહારાષ્ટ્રની 13, પશ્ચિમ બંગાળની સાત, ઓડિશાની પાંચ, બિહારની પાંચ, ઝારખંડની ત્રણ, જમ્મુ-કાશ્મીરની એક અને લદ્દાખની એક બેઠક પર મતદાન થઈ રહ્યું છે.

  પાંચમા તબક્કામાં અનેક મોટા નામોની ચૂંટણી પ્રતિષ્ઠા દાવ પર છે. જેમાં રક્ષા મંત્રી રાજનાથ સિંહ, સ્મૃતિ ઈરાની, રાહુલ ગાંધી, ચિરાગ પાસવાન, રાજીવ પ્રતાપ રૂડી, રોહિણી આચાર્ય, ઓમર અબ્દુલ્લા અને પીયૂષ ગોયલ જેવા દિગ્ગજ નેતાઓનો સમાવેશ થાય છે. પાંચમા તબક્કાની સાથે કુલ 428 સીટો પર ચૂંટણી પૂર્ણ થશે.

   લોકસભા ચૂંટણીના પાંચમા તબક્કાનું મતદાન સાંજે 6 વાગ્યે પૂર્ણ થયું. આ પહેલા સાંજે 5 વાગ્યા સુધી દેશમાં 56.68 ટકા મતદાન થયું હતું. સાંજે 5 વાગ્યા સુધી પશ્ચિમ બંગાળ અને ઝારખંડમાં સૌથી વધુ મતદાન થયું હતું. મહારાષ્ટ્રમાં મતદાનની ટકાવારી સૌથી ઓછી રહી છે.

(8:53 PM IST)