નવી દિલ્હી તા.૮ : લોકસભા ચૂંટણીમાં NDAની જીત બાદ દુનિયાભરના નેતાઓએ નરેન્દ્રભાઈ મોદીને અભિનંદન પાઠવ્યા હતા. જો કે પાડોશી દેશ પાકિસ્તાને તેમને અભિનંદન આપ્યા ન હતા. હવે આ અંગે પાકિસ્તાન તરફથી નિવેદન પણ સામે આવ્યું છે. પાકિસ્તાનનું કહેવું છે કે તે ભારત સાથે સારા સંબંધો અને સહયોગ કરાર ઈચ્છે છે. તે ઈચ્છે છે કે વિવાદનો ઉકેલ વાતચીત દ્વારા થાય. વિદેશ મંત્રાલયના પ્રવક્તા મુમતાઝ ઝહરા બલોચે કહ્યું કે ભારતના લોકોને તેમનો નેતા પસંદ કરવાનો અને સરકાર કોણ સારી રીતે ચલાવી શકે તે નક્કી કરવાનો અધિકાર છે. 

તમને જણાવી દઈએ કેલોકસભા ચૂંટણીમાંએનડીએને 293 સીટો સાથે પૂર્ણ બહુમતી મળી છે અને મોદી કેબિનેટ 9 જૂન, રવિવારે શપથ લેવાનું છે. આ પ્રસંગે પાડોશી દેશોના નેતાઓને પણ આમંત્રણ આપવામાં આવ્યું છે. જો કે આ યાદીમાં પાકિસ્તાનનું નામ નથી. બાંગ્લાદેશ, ભૂટાન, શ્રીલંકા, સેશેલ્સ, નેપાળ અને નેપાળના નેતાઓ નવી દિલ્હી પહોંચે તેવી અપેક્ષા છે. બાંગ્લાદેશના વડાપ્રધાન શેખ હસીના દિલ્હી પહોંચી ગયા છે. 

મુમતાઝે કહ્યું, અમે ભારતની ચૂંટણી પ્રક્રિયા પર ટિપ્પણી કરવા માંગતા નથી. અત્યાર સુધી નવી સરકારના વડાપ્રધાન તરીકે કોઈએ શપથ લીધા નથી, તેથી અત્યારે અભિનંદન આપવા યોગ્ય નથી. તેમણે કહ્યું કે, પાકિસ્તાન તેના તમામ પડોશીઓ સાથે સહયોગી સંબંધો ઈચ્છે છે. અમે ઈચ્છીએ છીએ કે દરેક સમસ્યાનો ઉકેલ વાતચીત દ્વારા થવો જોઈએ. સાથે જ ભારતનું કહેવું છે કે જ્યાં સુધી પાકિસ્તાન આતંકવાદ પર નિયંત્રણ નહીં કરે અને વાતચીત માટે યોગ્ય વાતાવરણ નહીં બનાવે ત્યાં સુધી વાતચીત શક્ય નથી. 

વિદેશ મંત્રી એસ જયશંકરે કહ્યું હતું કે, પાકિસ્તાન સાથે વાતચીતના દરવાજા ક્યારેય બંધ નથી થયા. પરંતુ આતંકવાદ એક મોટો પડકાર છે. વાતચીતના કેન્દ્રમાં આતંકવાદ પણ રહેશે. જો કોઈ દેશમાં આટલા બધા આતંકવાદી કેમ્પ છે અને તેના પર કોઈ ચર્ચા નથી થતી તો તે યોગ્ય નથી. તમને જણાવી દઈએ કે માલદીવ સાથેના સંબંધોમાં ખટાશ આવ્યા બાદ પણ રાષ્ટ્રપતિ મુઈઝુએનરેન્દ્ર મોદીનેઅભિનંદન પાઠવ્યા હતા .તેમને શપથ ગ્રહણ સમારોહમાં પણ આમંત્રણ આપવામાં આવ્યું છે અને તેઓ રવિવારે ભારત પહોંચે તેવી શક્યતા છે.