નવી દિલ્હી તા.૯

ઓડિશાના મુખ્યમંત્રી નવીન પટનાયકના નજીકના સાથી વી.કે. પાંડિયને રવિવારે સક્રિય રાજકારણમાંથી નિવૃત્તિ લેવાની જાહેરાત કરી છે. લોકસભા અને વિધાનસભા ચૂંટણીમાં બીજુ જનતા દળ (બીજેડી)ની કારમી હાર બાદ આ નિર્ણય લેવામાં આવ્યો છે.

વી.કે. પાંડિયને બીજેડીમાં મહત્વની ભૂમિકા ભજવી હતી અને તેઓ પટનાયકના અત્યંત વિશ્વાસુ વ્યક્તિ ગણાતા હતા. જ્યારે ઓડિશામાં ભાજપ પોતાના દમ પર સરકાર બનાવી રહી છે, ત્યારે ઓડિશામાં લોકસભાની 21માંથી 19 બેઠકો પણ ભાજપના ખાતામાં આવી ગઈ છે.

પાંડિયનની નિવૃત્તિની જાહેરાતથી રાજકીય વર્તુળોમાં હલચલ મચી ગઈ છે. માનવામાં આવે છે કે ચૂંટણીમાં બીજેડીની હાર બાદ પાર્ટીમાં મોટા ફેરફારો થઈ શકે છે. પાંડિયનનું વિદાય બીજેડી માટે મોટો ફટકો છે, કારણ કે તે પાર્ટીના મહત્વપૂર્ણ વ્યૂહરચનાકાર અને પટનાયકના વિશ્વાસુ હતા.