<img height="1" width="1" style="display:none" src="https://www.facebook.com/tr?id=1793108690839422&ev=PageView&noscript=1" />
News of Monday, 10th June 2024

મોદી કેબિનેટમાં સૌથી યુવા મહિલા મંત્રી રક્ષા ખડસે

૨૬ વર્ષની ઉંમરે બની હતી સાંસદ : મોદી ૩.૦: મોદી કેબિનેટમાં સામેલ થયેલા ખડસે મોદીની મંત્રી પરિષદમાં બીજા સૌથી યુવા મંત્રી છે. તે ૩૭ વર્ષની છેઃ તેની પહેલાં રામ મોહન નાયડુ સૌથી યુવા મંત્રી છે

નવી દિલ્‍હી,તા. ૧૦: મોદીએ સતત ત્રીજી વખત દેશના વડાપ્રધાન પદ સંભાળ્‍યું છે. રાષ્ટ્રપતિ દ્રૌપદી મુર્મુએ તેમને રાષ્ટ્રપતિ ભવનમાં પદ અને ગુપ્તતાના શપથ લેવડાવ્‍યા હતા. મોદીની નવી કેબિનેટમાંથી ઘણા જૂના ચહેરાઓને પડતા મૂકવામાં આવ્‍યા છે. સાથે જ કેટલાક નવા ચહેરાઓને સ્‍થાન આપવામાં આવ્‍યું છે. આમાં રક્ષા ખડસેનું પણ એક નામ સામે આવ્‍યું છે. મોદી કેબિનેટમાં સામેલ થનારા ખડસે બીજા સૌથી યુવા મંત્રી છે. તે ૩૭ વર્ષની છે. તેની પહેલાં રામ મોહન નાયડુ (૩૬ વર્ષ) સૌથી યુવા મંત્રી છે. ખડસે માત્ર ૨૬ વર્ષની વયે પહેલીવાર સાંસદ બન્‍યા હતા.

ખડસે મહારાષ્ટ્રની રાવર બેઠક પરથી સતત ત્રીજી વખત સામાન્‍ય ચૂંટણી જીત્‍યા છે. તે મૂળ મધ્‍યપ્રદેશના ખેડિયા જિલ્લાની છે. તેને પોતાની રાજકીય કારકિર્દી ૨૦૧૦માં કોઠાડી ગામમાંથી શરૂ કરી હતી, જયારે તે સરપંચ બની હતી. તેઓ ૨૦૧૨ સુધી આ પદ પર રહ્યા હતા. આ પછી તે જલગાંવ જિલ્લા પરિષદમાં ચૂંટાઈ આવી. ૨૦૧૨ થી ૨૦૧૪ સુધી તે જલગાંવ (મહારાષ્ટ્ર) જિલ્લા પરિષદમાં આરોગ્‍ય, શિક્ષણ અને રમતગમત સમિતિના અધ્‍યક્ષ હતા.

પ્રથમ વખત તેને ૨૦૧૪ની સામાન્‍ય ચૂંટણીમાં NCPના મનીષ જૈનને ત્રણ લાખથી વધુ મતોથી હરાવ્‍યા હતા. માત્ર ૨૬ વર્ષની ઉંમરે તે ૧૬ની લોકસભાની સૌથી યુવા સાંસદ બની હતી. બીજેપીએ ૨૦૧૯ની લોકસભા ચૂંટણીમાં ખડસેને રાવર સીટ પરથી મેદાનમાં ઉતાર્યા હતા. આ ચૂંટણીમાં પણ તેને કોંગ્રેસના ઉલ્‍હાસ પાટીલને ત્રણ લાખથી વધુ મતોથી હરાવ્‍યા હતા. આ પછી, ૨૦૨૪ સામાન્‍ય ચૂંટણીઓમાં તેને શરદ પવારના નેતૃત્‍વવાળી NCPના શ્રીરામ પાટીલને ૨.૫ લાખથી વધુ મતોથી હરાવ્‍યા.

રક્ષા ખડસે NCP નેતા એકનાથ ખડસેની વહુ છે. તેના લગ્ન નિખિલ ખડસે સાથે થયા હતા. પરંતુ તે મૃત્‍યુ પામ્‍યો. નિખિલે ૨૦૧૩માં પોતાને ગોળી મારી દીધી હતી. રક્ષાએ B.Sc સુધી કમ્‍પ્‍યુટર સાયન્‍સનો અભ્‍યાસ કર્યો છે.

(10:14 AM IST)