News of Monday, 10th June 2024
અમેરિકાના હેનરી બીકોફે ૪૯ વર્ષમાં ૧૧૦ લિટર રકતનું કર્યું દાન
આંખના ડોક્ટરે કોલેજના સમયે શરૂ કર્યું હતું અભિયાન

વોશિંગ્ટન તા. ૧૦ : અમેરિકાના લોંગ આઈલેન્ડના રહેવાસી હેનરી બિકોફે ૨૯ ગેલન (લગભગ ૧૧૦ લીટર) રક્ત દાન કર્યું છે. ૬૮ વર્ષીય હેનરી બિકોફે ૧૯૭૫માં ઉમદા કાર્યની શરૂઆત કરી હતી. ત્યારથી એટલે કે છેલ્લા ૪૯ વર્ષથી તેઓ સતત રક્તદાન કરી રહ્યા છે. હેનરી, આંખના ડોક્ટર હતા, જયારે તેઓ કોલેજમાં હતા ત્યારે તેમણે સૌપ્રથમ રક્તદાન કર્યું હતું. આ પછી, તેમને આ કાર્યમાંથી એટલો સુખદ અનુભવ મળ્યો કે તેણે તેને પોતાના જીવનનો એક મહત્વપૂર્ણ ભાગ બનાવી લીધો અને છેલ્લા પાંચ દાયકાથી તેઓ રક્તદાન કરીને લોકોને મદદ કરી રહ્યા છે. તેમનું ઉમદા કાર્ય હજુ પણ ચાલુ છે.
ન્યૂયોર્ક બ્લડ સેન્ટરના જણાવ્યા અનુસાર, હેનરીએ આપેલા રક્તને કારણે અત્યાર સુધીમાં ૬૯૩ દર્દીઓને મદદ કરવામાં આવી છે. બ્લડ સેન્ટરે અહેવાલ આપ્યો કે હેનરીએ દાનમાં આપેલું રક્ત ૮૭૦ સિંગલ-સર્વ આઈસ્ક્રીમ સ્કૂપ્સ, ૩૧૦ કોક કેન અથવા છ-ગેલન ઓફિસ વોટર કુલરની બોટલો ભરવા સમકક્ષ હતું. પોતાના કામ અંગે હેનરીએ ન્યૂયોર્ક પોસ્ટને કહ્યું કે આ એવી વસ્તુ છે જે મેં પ્રતિબદ્ધ કરી અને પછી કર્યું. હવે મને આ કામ માટે થોડી ઓળખ મળી રહી છે, તેથી તે ખરેખર સારો અનુભવ છે.
‘મેં રકતદાનની શરૂઆત કોઈના માટે કંઈક સારૂં કરવાની ઈચ્છાથી કરી હતી,' બિકોફે કહ્યું. જોકે, રક્તદાન કરવાનો મારો પ્રથમ અનુભવ બહુ સારો નહોતો. રક્તદાન કર્યા પછી, મને ખૂબ જ ચક્કર આવી રહ્યા હતા કારણ કે મને યોગ્ય ખોરાક અને આરામ આપવામાં આવ્યો ન હતો. આ હોવા છતાં, મેં તે કરવાનું ચાલુ રાખ્યું અને મને તેનો આનંદ લેવા લાગ્યો.
હેનરી બિકોફે વધુમાં કહ્યું, ‘મારા જીવનમાં દર બે મહિને એક કલાક એવો આવે છે, જયારે હું બ્લડ સેન્ટરમાં જઈને રક્તદાન કરૂં છું. મારૂં બ્લડ ગ્રુપ બી-નેગેટિવ છે અને આ ગ્રુપની માંગ પણ ઘણી વધારે છે. છેલ્લા કેટલાક વર્ષો સુધી હું દર ૫૬ દિવસે રક્તદાન કરતો હતો. હવે હું ઉંમર સાથે ૫૬ દિવસના આ ગેપને થોડો વધારવાનો પ્રયાસ કરી રહ્યો છું. ન્યૂયોર્ક બ્લડ સેન્ટરના વરિષ્ઠ ઉપાધ્યક્ષ એન્ડ્રીયા સેફેરેલી કહે છે કે સરેરાશ વ્યક્તિ તેના જીવનકાળમાં માત્ર થોડી વાર રક્તદાન કરે છે. આવી સ્થિતિમાં હેનરીનું કામ તેને ખાસ બનાવે છે.'
(12:13 PM IST)









છેલ્લા 8 દિવસમાં સૌથી લોકપ્રિય 
