<img height="1" width="1" style="display:none" src="https://www.facebook.com/tr?id=1793108690839422&ev=PageView&noscript=1" />
News of Monday, 10th June 2024

‘‘ધ ટ્રાયલ'' ફેમ નૂર માલબીકા દાસે કરી આત્‍મહત્‍યા : પંખાથી લટકતી કોહવાયેલી હાલતમાં મળી લાશ

૩૭ વર્ષની ઉમરે અચાનક આત્‍મહત્‍યા કરતાં ખળભળાટ

મુંબઇ,તા.૧૦ : OTT શ્રેણીની અભિનેત્રી અને મ્‍યુઝિક વીડિયો મોડલ નૂર માલબીકા દાસનું ૩૭ વર્ષની વયે અવસાન થયું છે. અભિનેત્રીના મોતનું કારણ આત્‍મહત્‍યા હોવાનું કહેવામાં આવી રહ્યું છે. પ્રાપ્ત માહિતી અનુસાર, ૬ જૂન ૨૦૨૪ના રોજ અભિનેત્રીનો મળતદેહ તેના લોખંડવાલા ફ્‌લેટમાંથી પોલીસને મળ્‍યો હતો.

 પોલીસ રિપોર્ટ અનુસાર, પાડોશીઓએ ફ્‌લેટમાંથી દુર્ગંધ આવવાની ફરિયાદ કરી હતી, જેના પછી ઓશિવરા પોલીસની ટીમ ઘટનાસ્‍થળે પહોંચી અને ફ્‌લેટનો દરવાજો તોડી ઘરમાં પ્રવેશી હતી. તેમણે  નૂર માલબીકા દાસની સડી ગયેલી લાશ તેના ફ્‌લેટમાંથી શોધી કાઢી હતી. નૂર માલબીકા દાસની લાશ પંખા સાથે લટકતી હતી. ઘરની તલાશી દરમિયાન પોલીસે દવાઓ, તેનો મોબાઈલ ફોન અને ડાયરી મળી આવી હતી. હાલ પોલીસે લાશને પોસ્‍ટમોર્ટમ માટે મોકલી આપી છે. રિપોર્ટ આવ્‍યા બાદ જ વધુ માહિતી મળશે.

 એવું પણ કહેવામાં આવી રહ્યું છે કે જ્‍યારે પોલીસે નૂરના પરિવારનો સંપર્ક કરવાનો પ્રયાસ કર્યો તો કોઈ આગળ આવ્‍યું નહીં અને કોઈએ તેનો મળતદેહ લીધો નહીં. આવી સ્‍થિતિમાં, પોલીસે લાવારસ મળતદેહોના અગ્નિસંસ્‍કાર કરનાર એનજીઓની મદદથી રવિવારે નૂરના અંતિમ સંસ્‍કાર કર્યા.

 નૂર માલબીકા દાસે ઘણી હિન્‍દી ફિલ્‍મો અને વેબ સિરીઝમાં કામ કર્યું હતું. જેમાં ‘‘સિસકિયાં'', ‘‘વોકમેન'', ઁ‘‘તીખી ચટની'', ‘‘જઘન્‍યા ઉપાય‘‘, ‘‘ચરમસુખ'', ‘‘દેખી અનદેખી'', ‘‘બેકરોડ હલચલ'' જેવી ફિલ્‍મોનો સમાવેશ થાય છે. તે જ સમયે, તે ડિઝની પ્‍લસ હોટસ્‍ટાર પર પ્રસારિત ‘‘ધ ટ્રાયલ'' માં કાજોલ અને જીશુ સેનગુપ્તા સાથે જોવા મળી હતી.

(4:21 PM IST)