તા. ૨૮ નવેમ્બરે ર૦ર૫ વિક્રમ સંવત ર૦૮૨ માગશર સુદ – ૮ શુક્રવાર
ઉત્તર-પશ્ચિમ ભારતમાં ભીષણ ગરમી યથાવત : દિલ્હી - યુપીમાં ‘લુ'નો કાળોકેર
જમ્મુ-કાશ્મીરના કઠુઆમાં તાપમાન ૪૮.૧ : જમ્મુમાં ૪૩ ડીગ્રી
નવી દિલ્હી, તા.૧૨: ઉત્તર-પશ્ચિમ અને પૂર્વ ભારત ભારે ગરમીની ઝપેટમાં છે. પહાડી રાજ્યોના મેદાનોમાં તે અત્યંત ગરમ છે. જમ્મુ-કાશ્મીરના કઠુઆમાં તાપમાનનો પારો ૪૮.૧ ડિગ્રી સેલ્સિયસ પર પહોંચી ગયો છે, જે અત્યાર સુધીનું સૌથી વધુ તાપમાન છે. જમ્મુમાં પણ મહત્તમ તાપમાન ૪૩ ડિગ્રી નોંધાયું છે.
બિહારના ઘણા વિસ્તારો ગરમીની લપેટમાં છે અને હવામાન વિભાગે રેડ એલર્ટ જાહેર કર્યું છે. ભારતીય હવામાન વિભાગ (IMD) અનુસાર, છેલ્લા ૨૪ કલાક દરમિયાન, પશ્ચિમ બંગાળના ગંગા કિનારા, બિહાર, ઝારખંડ, યુપી, દિલ્હી, પંજાબ, હરિયાણા અને ઓડિશાના વિવિધ વિસ્તારોમાં ગરમીની લહેર પ્રવર્તી રહી છે.
બિહારના દક્ષિણ પશ્ચિમ, દક્ષિણ મધ્ય અને ઉત્તર પશ્ચિમ વિસ્તારના જિલ્લાઓ માટે હીટ વેવને લઈને રેડ એલર્ટ જારી કરવામાં આવ્યું છે. આ સમયગાળા દરમિયાન રાજસ્થાન અને પંજાબ સહિત ઉત્તર ભારતના ઘણા ભાગોમાં મહત્તમ તાપમાન ૪૨.-૪૫ ડિગ્રી નોંધાયું હતું. યુપીના પ્રયાગરાજમાં સૌથી વધુ તાપમાન ૪૬.૩ ડિગ્રી સેલ્સિયસ હતું. દિલ્હીમાં પારો ૪૩.૮ ડિગ્રીએ પહોંચી ગયો છે.
હવામાન વિભાગનો અંદાજ છે કે ગંગાના પશ્ચિમ બંગાળ, બિહાર, ઝારખંડના કેટલાક ભાગોમાં ગરમીની લહેરથી ગંભીર ગરમીની સ્થિતિ પ્રવર્તશે. જ્યારે ઉત્તરાખંડ, ઉત્તર પ્રદેશ, જમ્મુ, હિમાચલ પ્રદેશ, પંજાબ, હરિયાણા-ચંદીગઢ- દિલ્હી, પૂર્વ મધ્ય પ્રદેશ અને ઓડિશાના અલગ-અલગ વિસ્તારોમાં આગામી કેટલાક દિવસો સુધી ગરમીનું મોજું આવવાની શકયતા છે. આ રાજ્યોમાં આગામી સાતથી આઠ દિવસ સુધી હીટ વેવની સ્થિતિ યથાવત રહેશે. જો કે કેટલાક વિસ્તારોમાં વરસાદની પણ શકયતા છે.
હવામાન સંબંધિત માહિતી આપતી ખાનગી વેબસાઈટ સ્કાયમેટ વેધર અનુસાર યુપી-બિહાર અને ઝારખંડમાં તીવ્ર ગરમીનું મોજું રહેશે. હાલમાં ઉત્તર બિહારમાં આકરી ગરમીમાંથી રાહત મળવાની કોઈ શકયતા નથી. મધ્યપ્રદેશ, ઝારખંડ, બિહાર, પશ્ચિમ બંગાળ, ઓડિશા, પંજાબ અને હરિયાણાના કેટલાક ભાગોમાં ગરમીની લહેર આવી શકે છે. યુપી-બિહાર, છત્તીસગઢ અને ઓડિશામાં છેલ્લા કેટલાક સમયથી ગરમીનો પ્રકોપ ચાલી રહ્યો છે.
આ સિવાય સિક્કિમ, પૂર્વોત્તર ભારત, દક્ષિણ-પશ્ચિમ મધ્ય પ્રદેશ અને વિદર્ભ અને આંધ્ર પ્રદેશના કેટલાક ભાગોમાં હળવાથી મધ્યમ વરસાદ પડી શકે છે. દક્ષિણ ઓડિશા, આંધ્રપ્રદેશ, તમિલનાડુ, દક્ષિણ ગુજરાત, મધ્યપ્રદેશ, દક્ષિણ ગુજરાત અને દક્ષિણપ્રપૂર્વ રાજસ્થાનમાં હળવો વરસાદ પડી શકે છે. તે જ સમયે, મધ્ય પ્રદેશ, ઝારખંડ, બિહાર, ગંગા પશ્ચિમ બંગાળ, ઓડિશા, પંજાબ અને હરિયાણાના કેટલાક ભાગોમાં ગરમીની લહેર આવી શકે છે. પૂર્વી ઉત્તર પ્રદેશના કેટલાક વિસ્તારોમાં હીટ વેવથી ગંભીર હીટ વેવ આવી શકે છે.
ઉત્તર ભારત ગરમીની લપેટમાં છે ત્યારે ગુજરાત, મહારાષ્ટ્ર અને દક્ષિણ ભારતના ઘણા વિસ્તારોમાં મુશળધાર વરસાદ પડી રહ્યો છે. દક્ષિણ પશ્ચિમ ચોમાસું દક્ષિણ ગુજરાતમાં પહોંચી ગયું છે, જે સામાન્ય રીતે ૧૫ જૂન સુધીમાં પહોંચી જાય છે. તેની અસરને કારણે દક્ષિણ ગુજરાતમાં ભારે વરસાદ પડી રહ્યો છે. હવામાન વિભાગે આગામી બે દિવસ સુધી તમામ જિલ્લાઓમાં ભારે વાવાઝોડા અને વરસાદની આગાહી કરી છે. ચોમાસાની અસરને કારણે મુંબઈ સહિત મહારાષ્ટ્રના અનેક જિલ્લાઓમાં વરસાદ થઈ રહ્યો છે. મંગળવારે થાણેમાં ૪૮.૭૭ મીમી વરસાદ નોંધાયો હતો. થાણે શહેરમાં ૧ જૂનથી અત્યાર સુધીમાં ૧૪૧.૯ મીમી વરસાદ નોંધાયો છે.
(12:05 PM IST)
છેલ્લા 8 દિવસમાં સૌથી લોકપ્રિય 
