કઠુઆ. કઠુઆ જિલ્લાના હીરાનગરમાં અથડામણ દરમિયાન સુરક્ષા દળોએ બે આતંકવાદીઓને ઠાર માર્યા હતા. જમ્મુના એડિશનલ ડાયરેક્ટર જનરલ ઓફ પોલીસ (ADGP) આનંદ જૈને કઠુઆ હુમલાને અમરનાથ યાત્રા સાથે જોડીને નિવેદન આપ્યું છે. તેમણે કહ્યું કે આ હુમલો અમરનાથ યાત્રાને ખોરવવાનું કાવતરું લાગે છે.

 તેમણે કહ્યું કે અમરનાથ યાત્રા શરૂ થવાની છે, તેથી આ હુમલો યાત્રાને ખોરવવાનું ષડયંત્ર હોઈ શકે છે

  રિયાસીમાં શ્રદ્ધાળુઓને નિશાન બનાવ્યાના બે દિવસ બાદ જમ્મુ-કાશ્મીરના કઠુઆ અને ડોડા જિલ્લામાં આતંકવાદીઓએ આતંકી હુમલા કરીને આતંક ફેલાવવાનો પ્રયાસ કર્યો હતો. મંગળવારે સાંજ પછી, બેથી ત્રણ સશસ્ત્ર આતંકવાદીઓ હીરાનગર સેક્ટરના સોહલ ગામમાં એક ઘરમાં ઘૂસી ગયા અને પરિવારને બંધક બનાવવાનો પ્રયાસ કર્યો.

 આ દરમિયાન તેઓએ ગામમાં અંધાધૂંધ ફાયરિંગ કરીને આતંક ફેલાવ્યો હતો. ગોળીબારમાં એક વ્યક્તિ ઘાયલ થયો હતો જ્યારે સુરક્ષા દળોની જવાબી કાર્યવાહીમાં એક આતંકવાદી માર્યો ગયો હતો. કઠુઆમાં આજે પણ એન્કાઉન્ટર ચાલુ રહ્યું હતું. જે બાદ સેનાએ વધુ એક આતંકીને ઠાર કર્યો હતો

  ગયા રવિવારે શિવખોડીથી આવી રહેલી શ્રદ્ધાળુઓથી ભરેલી બસ પર આતંકવાદીઓએ ગોળીબાર કર્યો હતો. આ હુમલામાં 9 લોકો માર્યા ગયા હતા. જ્યારે 41થી વધુ ઘાયલ થયા છે. હુમલા બાદથી પોલીસ અને સુરક્ષા દળો આતંકીઓને શોધવામાં વ્યસ્ત છે. ગઈ કાલે પોલીસે હુમલામાં સંડોવાયેલા આતંકવાદીનો સ્કેચ પણ જાહેર કર્યો હતો. જેના પર 20 લાખ રૂપિયાનું ઈનામ રાખવામાં આવ્યું છે

  . આ વર્ષે અમરનાથ યાત્રા 29 જૂનથી શરૂ થશે. આ દિવસોથી ભક્તો બાબા બર્ફાનીના દર્શન કરી શકશે. રિયાસી હુમલા બાદ અમરનાથ ધામમાં સુરક્ષા વધારી દેવામાં આવી છે. વૈષ્ણોદેવી ભવનમાં પણ સુરક્ષા વધારી દેવામાં આવી છે