ભારતના જમ્મુ-કાશ્મીરમાં વૈષ્ણો દેવી જતી બસ પર થયેલા આતંકવાદી હુમલાને લઈને દેશ અને દુનિયામાં વાંધો ઉઠાવવામાં આવી રહ્યો છે. સમગ્ર વિશ્વમાં આ ઘટનાની નિંદા થઈ રહી છે. ઓસ્ટ્રેલિયન બેટ્સમેન ટ્રેવિસ હેડે પણ કાશ્મીરના રિયાસીમાં યાત્રાળુઓની બસ પર થયેલા આતંકવાદી હુમલાને ઘૃણાસ્પદ કૃત્ય ગણાવ્યું છે. આ ઓસ્ટ્રેલિયન ક્રિકેટરે પાકિસ્તાની ક્રિકેટર હસન અલી સાથે મળીને આ આતંકવાદી હુમલાનો વિરોધ કરીને શોક વ્યક્ત કર્યો છે.

   જમ્મુ-કાશ્મીરના રિયાસીમાં રવિવારે સાંજે ધાર્મિક તીર્થસ્થળ વૈષ્ણોદેવી જઈ રહેલી શ્રદ્ધાળુઓથી ભરેલી બસ પર આતંકવાદી હુમલાની ઘટના આંતરરાષ્ટ્રીય સમાચાર બની ગઈ છે. દેશ અને દુનિયા આ ઘટના પર આતંકવાદ વિરોધી નિવેદનો સાથે શોક વ્યક્ત કરી રહી છે. આ ઘટનામાં 9 લોકોના મોત થયા છે જ્યારે ઘણા લોકો ઘાયલ થયા છે. 

   NIAની ટીમ કાશ્મીરમાં આ આતંકી હુમલાની તપાસ કરી રહી છે. આતંકવાદીઓ વિશે સુરાગ મેળવવા માટે ટીમ તમામ પાસાઓની તપાસ કરી રહી છે. આ ઘટનામાં સંડોવણી હોવાની શંકાના આધારે અત્યાર સુધીમાં 20 લોકોને ઝડપી લેવામાં આવ્યા છે. તમામની કડક પૂછપરછ કરવામાં આવી રહી છે

 . ઓસ્ટ્રેલિયન ક્રિકેટર ટ્રેવિસ હેડે જમ્મુ અને કાશ્મીરના રિયાસીમાં તીર્થયાત્રીઓની બસ પર થયેલા હુમલાની નિંદા કરતા પોતાના X હેન્ડલ પર આતંકવાદ વિરુદ્ધ પોસ્ટ કરી છે. ઓલ આઈઝ ઓન વૈષ્ણોદેવી એટેક નામથી ટ્વીટ કરીને તેમણે ઘટનાની નિંદા કરી છે.