નવી દિલ્‍હી તા. ૧૮ : દેશના સૌથી મોંઘા શહેરોની યાદીમાં મુંબઈ ટોચ પર છે. ભારતમાં રહેવા માટે મુંબઈ સૌથી મોંઘા શહેરોમાંનું એક છે. ભારતની આર્થિક રાજધાની મુંબઈ સૌથી મોંઘા શહેરોની યાદીમાં ટોચ પર છે. એક સર્વેમાં આ વાત સામે આવી છે. વૈશ્વિક માપદંડો પર મુંબઈ ૧૩૬માં ક્રમે છે.

મર્સરના ૨૦૨૪ કોસ્‍ટ ઓફ લિવિંગ સર્વેમાં મુંબઈને ભારતમાં રહેવા માટે સૌથી મોંઘા શહેર તરીકે નામ આપવામાં આવ્‍યું છે. મુંબઈ પછી દિલ્‍હી, ચેન્નાઈ, બેંગલુરુ અને પુણે જેવા શહેરોનો સમાવેશ થાય છે. સર્વે અનુસાર દેશના અન્‍ય શહેરોની સરખામણીએ અન્‍ય શહેરોમાંથી આવતા લોકો માટે મુંબઈ ઘણું મોંઘું છે.

મુંબઈમાં પર્સનલ કેર, વીજળી, ઉપયોગિતાઓ, વાહનવ્‍યવહાર અને મકાન ભાડે રાખવું ખૂબ મોંઘું છે. મોંઘા શહેરોની યાદીમાં મુંબઈએ આ વર્ષે ૧૧ સ્‍થાનની છલાંગ લગાવી છે. જો કે, તે વિશ્વના ટોચના ૧૦૦ સૌથી મોંઘા શહેરોમાં પણ નથી. વૈશ્વિક સ્‍તરે આ સર્વેમાં ટોચના ૫ શહેરોની રેન્‍કિંગમાં કોઈ ફેરફાર થયો નથી. હોંગકોંગ હજુ પણ નંબર વન પર છે.

મર્સર દ્વારા કરવામાં આવેલા સર્વે અનુસાર, મુંબઈ દેશનું સૌથી મોંઘું શહેર છે કારણ કે અહીં પર્સનલ કેર, એનર્જી અને યુટિલિટી, ટ્રાન્‍સપોર્ટેશન અને ઘરનું ભાડું ઘણું મોંઘું છે. વૈશ્વિક યાદીમાં દિલ્‍હી ૪ સ્‍થાન ઉપર પહોંચી ગયું છે. તે ૧૬૪માં નંબરે પહોંચી ગયો છે. આ યાદીમાં ચેન્નાઈ ૧૮૯માં, બેંગલુરૂ ૧૯૫માં અને હૈદરાબાદ ૨૦૨માં ક્રમે છે.

ભારતના સૌથી મોંઘા શહેરો

મુંબઈ

નવી દિલ્‍હી

ચેન્નાઈ

બેંગલુરૂ

હૈદરાબાદ

પુણે

કોલકાતા

 

વિશ્વના સૌથી મોંઘા શહેરો

હોંગકોંગ

સિંગાપુર

ઝ્‍યુરિચ

જીનીવા

લંડન