સેન્સેકસ ૭૮૦૦૦ : નીફટી ૨૩૭૦૦ : શેરબજાર દોડયું
શેરબજારની ઉંચી ઉડાન : નવા શિખરે પહોંચ્યા સેન્સેકસ નીફટી બપોરે ૨.૧૫ કલાકે સેન્સેકસ ૬૫૯ તો નીફટી ૧૭૧ અપ
મુંબઇ, તા.૨૫: શેરબજારે આજે નવો ઇતીહાસ રચ્યો છે. તમામ પરિબળો સાનુકુળ હોવાના કારણે આજે સેન્સેકસ - નીફટી નવા શિખરે પહોંચ્યા છે સેન્સેકસ ૭૮૦૦૦ તથા નીફટી ૨૩૭૦૦ને સ્પર્શ કરી ગયા છે આજે બપોરે આ લખાય છે ત્યારે સેન્સેકસ ૬૫૯ પોઇન્ટ વધીને ૭૮૦૦૦ તો નીફટી ૧૭૧ પોઇન્ટ વધીને ૨૩૭૦૯ પર ટ્રેડ કરી રહ્યા છે.
સેન્સેક્સ લિસ્ટેડ ૩૦ કંપનીઓમાં HDFC બેન્ક, અલ્ટ્રાટેક સિમેન્ટ, મહિન્દ્રા એન્ડ મહિન્દ્રા, બજાજ ફાઇનાન્સ, સ્ટેટ બેન્ક ઓફ ઇન્ડિયા અને ટાટા સ્ટીલના શેરમાં સૌથી વધુ વધારો થયો હતો જ્યારે HCL ટેકનોલોજી, બજાજ ફિનસર્વ, NTPC અને એશિયન પેઇન્ટ્સના શેરમાં નુકસાન થયું હતું.
નિફ્ટી મિડકેપ ૧૦૦ ઈન્ડેક્સ ૩૨૫ પોઈન્ટ અથવા ૦.૫૯ ટકા વધીને ૫૫,૯૦૨ પર અને નિફ્ટી સ્મોલકેપ ૧૦૦ ઈન્ડેક્સ ૧૮૭ પોઈન્ટ અથવા ૧.૦૩ ટકા વધીને ૧૮,૪૦૪ પર હતો.
આઇટી અને રિયલ્ટી શેરોમાં વેચવાલી
ક્ષેત્રીય ધોરણે, ઓટો, પીએસયુ બેંક, ફિન સર્વિસ, મેટલ, મીડિયા અને પીએસઈ સૂચકાંકોમાં વધારો જોવા મળી રહ્યો છે જ્યારે આઈટી અને રિયલ્ટી શેરોમાં વેચવાલી છે.શેરબજારના આંકડા અનુસાર સોમવારે મૂડીબજારમાં વિદેશી સંસ્થાકીય રોકાણકારો (FII) સેલર રહ્યા હતા. આ સમયગાળા દરમિયાન તેણે રૂ. ૬૫૩.૯૭ કરોડના શેરનું વેચાણ કર્યું હતું.
નિફ્ટી શેર્સમાં અલ્ટ્રાટેક સિમેન્ટ, એચડીએફસી બેન્ક, ડિવીઝ લેબ, કોલ ઈન્ડિયા અને એસબીઆઈ ટોપ ગેનર તરીકે ટ્રેડ થઈ રહ્યા હતા. બીજી તરફ એચસીએલ ટેક, એશિયન પેઇન્ટ્સ અને ટાઇટનના શેર દબાણ હેઠળ હતા. પ્રમોટર અશોક સૂતાએ બ્લોક ડીલ દ્વારા હિસ્સો વેચવાના અહેવાલો વચ્ચે હેપીએસ્ટ માઇન્ડ્સના શેર ૮% ઘટયા હતા.
અમરા રાજા એનર્જી અને મોબિલિટીનો શેર ૧૯% સુધી વધ્યો. કંપનીએ લિથિયમ ઓઈલ સેલ મેન્યુફેક્ચરિંગ માટે ચીનની ગોશાન સાથે લાઇસન્સિંગ કરાર પર હસ્તાક્ષર કર્યા છે. મોર્ગન સ્ટેનલીની તેજીની નોંધ પછી, Paytm, Zomato અને પોલિસી બજારના શેરમાં પણ લગભગ બે ટકાનો વધારો જોવા મળ્યો હતો.
(3:48 PM IST)
છેલ્લા 8 દિવસમાં સૌથી લોકપ્રિય 
