નવી દિલ્હી : કોંગ્રેસના વિદ્યાર્થી સંગઠન NSUIના રાષ્ટ્રીય અધ્યક્ષ વરુણ ચૌધરીના નેતૃત્વમાં આજે સેંકડો કાર્યકરોએ પરીક્ષામાં ગોટાળાના વિરોધમાં દિલ્હીમાં NTA ઓફિસને તાળાબંધી કરી હતી.

  વરુણ ચૌધરીએ જાહેરાત કરી કે NSUI આવતીકાલથી દેશભરમાં NTA ઓફિસોને તાળા મારી દેશે. વરુણ ચૌધરીએ કહ્યું કે એક તરફ દેશમાં પેપર લીક થઈ રહ્યા છે, તો બીજી તરફ ભાજપની મોદી સરકાર NTAને બચાવવામાં વ્યસ્ત છે. મોદી સરકાર અને NTAની આ નિષ્ફળતા લાખો યુવાનોના ભવિષ્યને બરબાદ કરી રહી છે અને તેમનું જીવન બરબાદ કરી રહી છે. યુવાનોને ન્યાય અપાવવા માટે અમે લડત ચાલુ રાખીશું.